राम मंदिराच्या गर्भगृहाचे 40 टक्के काम पूर्ण, वाचा, नेमकी कशी उभारली जातेय भव्यदिव्य वास्तू

अयोध्या, 9 ऑक्टोबर : प्रभू श्रीरामाची नगरी असलेल्या अयोध्येतील राम लल्लाच्या जन्मस्थानी राम मंदिराच्या उभारणीचे काम जोरात सुरू आहे. रामललाच्या गर्भगृहाच्या बांधकामाचे 40 टक्के काम आतापर्यंत पूर्ण झाले आहे. गर्भगृहाच्या बांधकामात सात पृष्ठभागांमध्ये एकामागून एक कोरीव दगड ठेवण्यात आले आहेत. मंदिर उभारणीच्या प्रगतीबद्दल समाधान व्यक्त करताना ट्रस्टचे सरचिटणीस चंपत राय म्हणाले की, दगडांनी बांधल्या जाणाऱ्या मंदिराचे संपूर्ण काम एकाच वेळी केले जात आहे.

मंदिराच्या पहिल्या मजल्यावर, प्रवेशद्वारापासून ते सिंहमंडपापर्यंत, गर्भगृहासह बांधकाम केले जाणार आहे. याठिकाणी 166 खांब उभारण्याचे काम सुरू होणार आहे. त्यामुळे गर्भगृहासह संपूर्ण मंदिराच्या पहिल्या मजल्याचे बांधकाम बारकाईने केले जात आहे. मंदिर दीर्घायुष्य व्हावे यासाठी शास्त्रोक्त पद्धतीने बांधले जात आहे. त्यासाठी मंदिरांचा प्रत्येक थर एकाच थरात असणे आवश्यक आहे. ज्यामध्ये 1 मिलीमीटरचाही फरक नसावा. यामुळे मंदिराचे बांधकाम तज्ज्ञांच्या देखरेखीखाली निश्चित केलेल्या मानकांनुसार सुरू आहे.

डिसेंबर 2023 पर्यंत होईल तयार -

रामजन्मभूमीतील रामललाचे मंदिर डिसेंबर 2023 पर्यंत तयार होणार आहे. मंदिराच्या पहिल्या मजल्याच्या बांधकामाचे काम सुरू आहे. यासाठी एलएनटी आणि टाटा या कार्यरत संस्थेचे अभियंते 24 तास काम करत आहेत. मंदिराच्या बांधकामात तळमजल्यावर पूर्व-पश्चिम दिशेला 380 फूट लांबी आहे. तळमजल्यावर उत्तर-दक्षिण दिशेला 250 फूट रुंदी आहे. यामध्ये सँडस्टोनचे 166 खांब, पहिल्या मजल्यावर 144 आणि दुसऱ्या मजल्यावर 82 खांब बनवले जाणार आहेत. मंदिरात एकूण 392 खांब असतील.

श्री रामजन्म तीर्थ क्षेत्र ट्रस्टचे सरचिटणीस चंपत राय यांनी सांगितले की, दगडांनी बांधल्या जाणाऱ्या मंदिराचे संपूर्ण काम एकाच वेळी केले जाते. दगडाचे मंदिर बांधण्याचे काम तुकड्या तुकड्यांमध्ये होणार नाही. त्यामुळे मंदिराचा प्रत्येक मजला एकाच वेळी बांधला जात आहे. ज्यामध्ये गर्भगृहासह मुख्य प्रवेशद्वार, रंगमंडप बांधला जात आहे. पहिला मजला बांधल्यानंतर त्याची तपासणी केली जाईल. ट्रस्टच्या सरचिटणीसांनी दावा केला की, दगडी बांधण्यात येणाऱ्या मंदिराचा प्रत्येक मजला एकाच पृष्ठभागावर असेल, त्यात 1 मिमीचेही अंतर नसावे.

हेही वाचा - वल्लभभाई पटेलांपेक्षाही श्रीरामाची उंची अधिक; पीएम मोदींच्या ड्रिम प्रोजेक्टमुळे रेकॉर्डही बदलणार?

श्री रामजन्मभूमी तीर्थ क्षेत्र ट्रस्टचे सरचिटणीस चंपत राय यांनी सांगितले की, मंदिराचे बांधकाम वेगाने सुरू आहे. मंदिराचे 40% पेक्षा जास्त बांधकाम पूर्ण झाले आहे. बांधकामाची प्रक्रिया अतिशय चांगल्या पद्धतीने सुरू आहे. दगडांनी बांधलेल्या मंदिरात प्रत्येक थर नीट मिसळणे अत्यंत आवश्यक आहे, असेही ते म्हणाले.