)
नाशिक, 10 ऑगस्ट: नाशिक (Nashik) एक घटनेनं चांगलंच हादरलं आहे. एका महिलेनं आपल्या साडेतीन वर्षाच्या मुलाचा खून करुन स्वतः आत्महत्या केली आहे. नाशिकच्या पाथर्डी फाटा परिसरात ही घटना घडली आहे. शिखा पाठक आईचे तर रिधान पाठक मुलाचे नाव आहे. ऑनलाईन (Online Study) अभ्यास करत नसल्याचा राग आल्यानं आईचं आपल्या मुलासोबत हे कृत्य केलं आहे. या प्रकरणी इंदिरानगर पोलिसांकडून तपास सुरु आहे. नाशिकच्या पाथर्डी फाटा परिसरातील राहत्या घरात एका महिलेने गळफास घेत आत्महत्या केली असून पोलिसांना साडेतीन वर्षीय मुलाचा देखील मृत्यूदेह घरात आढळून आला आहे. दरम्यान मुलाचा खून करून महिलेने आत्महत्या केली असावी अशी शक्यता पोलिसांनी वर्तवली आहे. पाथर्डी फाटा येथील साई सिद्धी अपार्टमेंट ही घटना घडली आहे.
पोलिसांनी दिलेल्या माहितीनुसार, 32 वर्षीय शिखा सागर पाठक सोमवारी त्यांच्या राहत्या घरात आई- वडील हॉलमध्ये बसलेले असताना बेडरुमचा दरवाजा बंद करुन गळफास घेऊन आत्महत्या केली आहे. पोटच्या पोरीनंच केला घात, नुकतीच 10 वी पास झालेल्या मुलीकडून आईची हत्या बराच वेळ मुलगी दार उघडत नसल्यानं आईवडिलांना संशय आला. म्हणून त्यांनी आपल्या जावयाला बोलावून घेतलं. त्यानंतर त्यांनी दार उघडला तर खोलीत महिलेनं गळफास घेऊन आत्महत्या केल्याचं निदर्शनास आलं. त्याच्या बाजूला रिधानचाही मृतदेह आढळून आला. आत्महत्या करण्यापूर्वी मुलगा रिधानचा उशीने गळा दाबून खून केला असल्याचा प्रथमदर्शनी अंदाज पोलिसांनी वर्तवला आहे. घटनेची माहिती मिळताच वरिष्ठ पोलीस निरीक्षक नीलेश माईनकर ,पोलीस उपआयुक्त विजय खरात, सहायक आयुक्त सोहेल शेख घटनास्थळी त्वरित दाखल झाले. मृतदेहाजवळ सुसाईड नोट आढळून आली आहे. पोलिसांनी दोन्ही मृतदेह शवविच्छेदनासाठी शासकीय रुग्णालयात पाठविण्यात आले आहेत.
+6
फोटो
