)
मुंबई, 26 जुलै: मुंबई अहमदाबाद (Mumbai Ahmedabad Highway) महामार्गावरील एक व्हिडिओ (Viral Video) समोर आला आहे. या व्हिडिओत तरुणांची (Filmy Style Fights) फिल्मी स्टाईल भाईगिरी दिसत आहे. या तरुणांनी कारच्या काचा फोडून कारचालकाला बेदम मारहाण केली आहे. मुंबई अहमदाबाद महामार्गावर तरुणांनी फिल्मी स्टाईलने भाईगिरी करत एका कारच्या काचा फोडून कारचालकाला बेसबॉल स्टिकने मारहाण केल्याची घटना घडली आहे. भाईगिरीचा हा संपूर्ण प्रकार मोबाईल कॅमेऱ्यात शूट करण्यात आला आहे.
मुंबई-अहमदाबाद महामार्गावर तरुणांची फिल्मी स्टाईल भाईगिरी pic.twitter.com/UAu5KnzlVE
— News18Lokmat (@News18lokmat) July 26, 2021
ठाणे येथे राहणारे व्यावसायिक हर्ष पांचाळ हे आपली स्कॉर्पिओ कार घेऊन कामानिमित्त वसई येथे आले होते. ते वसईतून पुन्हा आपल्या घरी परत जात असताना महामार्गावरील सातीवली खिंडीत एम एच 43 BU 0068 या अर्टिगा गाडीतून आलेल्या तीन ते चार अज्ञात तरुणांनी हर्ष यांना जबर मारहाण केली. केवळ ओव्हरटेक केल्याच्या वादातून भर रस्त्यात त्या तरुणांनी त्यांची गाडी थांबवली आणि त्यांना मारहाण केली. हे तरुण एवढ्यावरच थांबले नाहीतर तर त्यांनी हर्ष यांच्या गाडीच्या बेसबॉल स्टिकनं काचा फोडल्या. हेही वाचा- धक्कादायक! दोन युवक बुडाले, आठवड्याभरात तब्बल 8 जणांचा बुडून मृत्यू महामार्गावर फिल्मी स्टाईलनं केलेल्या या गुंडांच्या भाईगिरीचा प्रकार मोबाईल कॅमेऱ्यात कैद झाला आहे. तरुणांच्या या मारहाणीत हर्ष हे गंभीर जखमी झाले असून त्यांनी या प्रकाराबाबत वालीव पोलीस ठाण्यात तक्रार दाखल आहे. पोलीस सध्या या तरुणांचा शोध घेत आहेत.
+6
फोटो
