)
मुंबई 26 सप्टेंबर: भाजपचे राष्ट्रीय अध्यक्ष जे.पी. नड्डा यांनी शनिवारी आपल्या नव्या टीमची घोषणा केली. यात महाराष्ट्रातून पंकजा मुंडे आणि विनोद तावडे यांना कार्यकारिणीत घेत मोठी जबाबदारी देण्यात आली आहे. पंकजा मुंडे यांना राष्ट्रीय सचिव म्हणून जबाबदारी मिळाली आहे. या नियुक्तीनंतर त्यांनी आनंद व्यक्त केला आहे. हा मी माझा सन्मान समजते असं म्हणत त्यांनी पंतप्रधान नरेंद्र मोदी, अध्यक्ष जे.पी. नड्डा आणि गृहमंत्री अमित शहा यांचे आभार मानले आहेत. भारतीय जनता पक्षाचे अध्यक्ष म्हणून जबाबदारी स्वीकारल्यानंतर जवळपास 8 महिन्यांनी जे. पी. नड्डा यांनी पक्षाची नवी टीम तयार केली आहे. या नव्या धुरिणांमध्ये महाराष्ट्रातल्या दोन मोठ्या नेत्यांची नावं आहेत. भाजपच्या कार्यकारिणीची घोषणा नड्डा यांनी केली. या नव्या कार्यकारिणीमध्ये महिला आणि तरुणांना मोठी संधी देण्यात आली आहे. अर्थातच महाराष्ट्रातले चार तरुण चेहरे यामध्ये आहेत.
Thanking all party Central Leaders Hon PM Shri @narendramodi ji, Home Minister Shri @Amitshaha ji for believing in me and our National President Shri @JPNadda ji for including me in his team.
— Pankaja Gopinath Munde (@Pankajamunde) September 26, 2020
It's an honour for me.. @blsanthosh ji, @v_shrivsatish ji.
माजी मुख्यमंत्री देवेंद्र फडणवीस यांना बिहार निवडणुकीचे प्रभारी म्हणून या अगोदरच मोठी जबाबदारी देण्यात आलेली आहे. आता नव्या कार्यकारिणीत विनोद तावडेंसह पंकजा मुंडे यांच्यावर पक्षाने महत्त्वाची जबाबदारी दिली आहे. गेल्या वर्षी निवडणुकीत अनपेक्षित पराभव झाल्यानंतर पंकजा मुंडे नाराज असल्याचं वृत्त सातत्याने येत होतं. त्यांना विधान परिषद किंवा राज्यसभा कुठेच जागा न मिळाल्यामुळे नाराजीच्या चर्चेला आणखी उधाण आलेलं होतं. मात्र आता पक्ष कार्यकारिणीत मोठी जबाबदारी पंकजा यांच्याकडे देण्यात आली आहे.
जगातील सर्वात मोठ्या लोकशाहीतील सर्वात मोठा पक्ष बनवण्यासाठी गेली अनेक दशकं आपली हयात घातलेल्या लाखो कार्यकर्त्यांच्या स्वयंसेवकांच्या त्याग आणि समर्पणाला अभिवादन करुन भारतीय जनता पक्षाच्या राष्ट्रीय सचिव पदाच्या जबाबदारीचा सहर्ष सविनय स्विकार.@narendramodi @AmitShah @JPNadda pic.twitter.com/zdCw0aDXJt
— Pankaja Gopinath Munde (@Pankajamunde) September 26, 2020
विनोद तावडेंना तिकिट नाकारल्यानंतर पहिल्यांदाच पक्षाने राष्ट्रीय सचिव म्हणून जबाबदारी दिली आहे. एकूण 13 जणांना National Secretary म्हणून नेमण्यात आलं आहेत. त्यामध्ये महाराष्ट्रालते 4 नेते आहेत. पंकजा मुंडे, विनोद तावडे, सुनील देवधर आणि विजया रहाटकर यांची नावं या यादीत आहेत. याशिवाय राष्ट्रीय प्रवक्त्यांच्या यादीत खासदार हीना गावित यांना स्थान देण्यात आलं आहे. अल्पसंख्याक मोर्चाचे नेतेम म्हणून जमाल सिद्दीकी यांचं नाव आहे.
+6
फोटो
