)
मुंबई, 13 फेब्रुवारी : राज्यात दिवसेंदिवस गुन्हेगारीच्या घटना घडत आहेत. तसेच अनैतिक संबंधातून हत्या, बलात्कार तर नैराश्यातून आत्महत्येच्याही घटनांमध्ये वाढ होत आहे. त्यातच आता आणखी एक धक्कादायक घटना समोर आली आहे. आयआयटी मुंबईच्या एका विद्यार्थ्याने टोकाचे पाऊल उचलत आत्महत्या केली. या घटनेने खळबळ उडाली आहे. काय आहे संपूर्ण प्रकरण - आयआयटी मुंबई येथे केमिकल इंजिनिअरिंगचे शिक्षण घेत असलेल्या दर्शन सोलंकी (18) या विद्यार्थ्याने आत्महत्या केली. वसतिगृह इमारतीच्या सातव्या मजल्यावरून उडी घेत त्याने आपले जीवन संपवले. याप्रकरणी पोलिसांनी अपघाती मृत्यूची नोंद करत तपास सुरू केला आहे. दर्शन सोलंकी हा मूळचा अहमदाबादचा राहणारा होता. मग मागील तीन महिन्यांपूर्वी तो मुंबईतील पवई आयआयटीमध्ये आला होता. पोलिसांच्या म्हणण्यानुसार, रविवारी दुपारी दीड वाजेच्या सुमारास वसतिगृहाच्या खिडकीत असलेल्या आणखी एका विद्यार्थ्याने त्याला सातव्या मजल्यावरील रिफ्युज एरियाच्या काठावर जाताना पाहिले. हेही वाचा - Facebook वरील मित्राला घरातली माहिती सांगितली, अन् मुंबईतील महिलेसोबत घडलं भयानक तर पवई पोलीस ठाण्याच्या एका अधिकाऱ्याने सांगितले की, दर्शन इतरांशी फारच कमी बोलायचा. त्याच्या रूम पार्टनरसोबतही त्याचा फार संवाद नव्हता. त्याने एकटेपणाला कंटाळून हे पाऊल उचलले असावे, असे प्रथमदर्शनी असे दिसत आहे. नुकताच आयआयटी मुंबईतील पहिल्या सत्रामधील शेवटच्या परीक्षेचा समारोप झाला. शैक्षणिक दबावामुळे त्याचा ताण वाढला असावा, असा शैक्षणिक अंदाजही वर्तविण्यात येत आहे. कॅम्पसमधील सुरक्षा रक्षकांना हा तरुण रक्ताच्या थारोळ्यात पडलेला दिसल्यावर ही घटना उघडकीस आली. मृताजवळ कोणतीही सुसाइड नोट सापडली नाही. प्राथमिक माहितीच्या आधारे याप्रकरणी पोलिसांनी अपघाती मृत्यूची नोंद केली आहे. पुढील तपास पोलीस करत आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
