कोरोनाची चौथी लाट राज्याच्या धडकली? 7 दिवसांत 130 टक्के रुग्णांची वाढ, मुंबईसह 5 जिल्हे हॉटस्पॉट!

मुंबई, 06 जून : राज्यात कोरोनाची (corona) लाट ओसरल्यामुळे सर्वांनी सुटकेचा श्वास सोडला आहे. पण आता राज्याच्या उंबरठ्यावर चौथी लाट येऊन ( Fourth wave of coronavirus) ठेपली आहे. दिवसेंदिवस कोरोनाबाधित रुग्णांची संख्या (maharashtra corona cases) वाढतच चालली आहे. राज्यातील 5 जिल्ह्यात गेल्या 7 दिवसांत तब्बल 130 टक्के रूग्णाची वाढ झाली आहे. मुंबईसह  पालघर, ठाणे, रायगड, पुणे हे 5 जिल्हे नवे हॉटस्पॉट ठरत आहे. राज्यात गेल्या काही दिवसांपासून कोरोनाबाधित रुग्णांची संख्या दिवसेंदिवस वाढत चालली आहे. मागील 7 दिवसांमध्ये कोरोनाबाधित रुग्णांची संख्या झपाट्याने वाढली आहे. मुंबईत सिने कलाकारांपासून ते राजकीय नेते कोरोनाच्या विळख्यात सापडले आहे. मागील सात दिवसांमध्ये राज्यात तब्बल  130 टक्के रूग्णाची वाढ झाली आहे.  मुंबईत १३५ टक्के रूग्ण वाढ,  पालघर ३५०,  ठाणे १९१ टक्के, पुणे ५० टक्के आणि रायगडमध्ये १३० टक्के वाढ झाली आहे. ( सलमान खानच्या हत्येसाठी 4 लाखांची पिस्तूल केली खरेदी, मात्र असा फसला कट ) एवढंच नाहीतर पालघर, ठाणे, मुंबई, रायगड, पुणे हे ५ जिल्हे नवे हॉटस्पॉट ठरत आहे. ४.३१% लक्षणे असलेले    रुग्णालयांत भरती झालेल्या रुग्णांची माहिती समोर आली आहे. यात ९५ टक्के रुग्णांना लक्षणे नाहीत तर १.०४ टक्के गंभीर रुग्ण आहे. मुंबईमध्ये रुग्णांची संख्या ३० मे ते ५ जून– ४,८८०रुग्ण २३ मे ते २९ मे– २०७० रुग्ण १३५.७५% वाढ ठाणे ३० मे ते ५ जून–१,२४५ रुग्ण २३ मे ते २९ मे–४२७ रुग्ण १९१.५७% वाढ पुणे ३० मे ते ५ जून– ५३८ रुग्ण २३ मे ते २९ मे– ३५७ ५०.७०% वाढ रायगड ३० मे ते ५ जून– २४४ रुग्ण २३ मे ते २९ मे–१०६ रुग्ण १३०.१९% वाढ पालघर ३० मे ते ५ जून–१४४ नवे रुग्ण २३ मे ते २९ मे– ३२ नवे रुग्ण ३५०.००% वाढ तर 4 जूनपर्यंत राज्यात  एकूण सक्रीय रुग्णांची ५,८८८ वर पोहोचली आहे.  रुग्णालयात भरती असलेले रुग्ण एकूण २५४ आहेत. तर लक्षणविरहित सौम्य लक्षणे असलेले रुग्ण संख्या ५,६३४ वर पोहोचली आहे. 61 गंभीर रुग्ण आहे. तर 46 जण आयसीयूमध्ये दाखल आहे. ‘मास्क सक्ती नाही’ दरम्यान, कोरोनाबाधित रुग्णांची संख्या वाढत असली तर राज्यात तुर्तास मास्क सक्तीचा कोणताही निर्णय घेतलेला नाही. फक्त गर्दीच्या ठिकाणी मास्क वापरणे हे गरजेचं आहे, असं राज्याचे आरोग्यमंत्री राजेश टोपे यांनी स्पष्ट केलं.

• Follow us on