राज्यात कोरोना मृतांची संख्या 127वर तर एकूण रुग्ण 1761

मुंबई 11 एप्रिल : राज्यातला कोरोनाचा विळखा वाढतो आहे. आज मृतांची संख्या 127 एवढी झाली तर रुग्णांचा आकडा 1761वर गेलाय. तर आत्तापर्यंत 208 रुग्णांना सुट्टी देण्यात आली आहे. तर राज्यात आज एकाच दिवसांत 17 जणांचा मृत्यू झाला. तर 187 नवे रुग्ण सापडले. मृत्यूझालेल्या 17 जणांमध्ये तब्बल 12 जण मुंबईतले आहेत. तर पुण्यात 2 जणांचा मृत्यू झाला. तर सातारा, धुळे आणि मालेगावमध्ये प्रत्येकी 1 जण दगावला अशी माहिती आरोग्य विभागाने दिली आहे. मृतांमध्ये पुरुषांचं प्रमाण जास्त असून ज्यांना डायबेटीज, ब्लडप्रेशर किंवा तर आजार आहेत अशांची मृतांमध्ये जास्त संख्या असल्याची माहितीही देण्यात आली आहे. कोरोनाचा महाराष्ट्रात प्रकोप वाढत आहे. लॉकडाऊनही वाढविण्यात आला आहे. त्या पार्श्वभूमीवर आरोग्यमंत्री राजेश टोपे यांनी आज महत्त्वाची माहिती दिली. ते म्हणाले देशातच कोरोनाच्या रुग्णांची संख्या लक्षात घेऊन देशात ग्रीन, ऑरेंज आणि रेड झोन करण्याचे संकेत पंतप्रधान नरेंद्र मोदी यांनी दिले आहेत. मुंबई, ठाणे, पुणे कोरोनाच्या रेड झोनमध्येच असतील. तिथे लॉकडाऊनचं कठोरपणे पालन करावं लागेल. हे पालन योग्य पद्धतीने झालं नाही तर लॉकडाऊन आणखी वाढवावा लागेल असा इशारा आरोग्यमंत्री राजेश टोपे यांनी दिला. मेट्रो सिटींमध्ये त्याचं योग्य प्रकारे पालन होत नाही असंही ते म्हणाले. महाराष्ट्रात तीन प्रकारचे रुग्णालये असणार आहेत. सोम्य, मध्यम आणि तीव्र लक्षणे असणाऱ्या रुग्णांना त्या त्या प्रमाणात तिथे दाखल केलं जाणार आहे.  मुंबई, ठाणे आणि पुणे हे रेड झोनमध्ये राहणार आहे. कारण एकूण रुग्णांमध्ये 91 टक्के हे याच भागात आहेत अशी माहिती आरोग्यमंत्री राजेश टोपे यांनी दिलीत. महाराष्ट्रात पूल टेस्टिंग होणार असल्याचंही त्यांना सांगितलं. कोरोना पॉझिटिव्ह बॉलिवूड अभिनेत्रीचा अनुभव, डॉक्टरांबद्दल म्हणाली,‘शब्दच नाहीत’ महाराष्ट्रातही त्यासंदर्भात काही नियम घालून दिले जाणार आहेत. ग्रीन झोनमध्ये असलेल्या भागात लॉकइनमध्ये राहून उद्योग आणि शेतीची कामे सुरू करण्यासाठी विचार सुरू असल्याचंही त्यांनी सांगितलं. मुंबईत कॅन्सरग्रस्त वडिलांना घेऊन मुलाने आईसह केला बाईकवर 25 किमी प्रवास पुणे शहरात आज दिवसभरात कोरोना विषाणूने 3 रुग्णांचा बळी घेतला आहे. त्याचबरोबर 27 नव्या रुग्णांची वाढ झाली आहे. पुणे शहरातील मृतांची एकूण संख्या 29 वर पोहोचली आहे. त्यात 21 मृत एकट्या ससून रुग्णालयातील असून बारामतीतील एकाचा समावेश आहे. दरम्यान पुणे शहरासह जिल्ह्यात एकूण 262 तर पिंपरी चिंचवडमध्ये 26 कोरोना पॉजिटिव्ह रुग्ण आहेत. मुंबई, पुण्यासह संपूर्ण राज्यात कोरोनाचा प्रादुर्भाव वाढतच आहे. या पार्श्वभूमीवर मुख्यमंत्री उद्धव ठाकरे यांनी राज्यात सुरु असलेल्या लॉकडाऊनचा कालावधी 30 एप्रिलपर्यंत वाढवण्याचा निर्णय जाहीर केला आहे.

• Follow us on