घरात काम सुरू असताना महानगर गॅसच्या पाईपलाईनमध्ये स्फोट, 2 कामगार जखमी

प्रमोद पाटील, प्रतिनिधी पनवेल, 15 फेब्रुवारी : नवी मुंबईतील कामोठे सेक्टर 6 मधील दुधे कॉर्नर सोसायटीमध्ये महानगर गॅसचो कामकाज सुरू असताना गॅस पाईप लाईनमध्ये स्फोट झाल्याची घटना वसाहतीमध्ये घडली आहे. या घटनेत दोन कामगार होरपळले आहेत. तसंच घरात असलेले इतर सदस्य किरकोळ जखमी झाले असून त्यांना उपचारासाठी कामोठे येथील रुग्णालयात दाखल करण्यात आले आहे. मिळालेल्या माहितीनुसार, कामोठे सेक्टर अ मधील दुधे कॉर्नर सोसायटीमध्ये ही घटना रात्री घडली. सोसायटीमध्ये महानगर गॅस पाईप लाईनच्या कनेक्शनचे काम सुरू होते. सोसायटीमधील सी विग रूम नंबर 12 मधील रहिवाशी त्रिंबक जाधव यांच्या घरात हे कनेक्शनचे काम सुरू होते. या वेळी घरात पाच सदस्य आणि दोन कामगार होते. गॅस पाईपचे कनेक्शन करताना गॅसचा मेन कॉक चालू होता. (मारहाणीचा अपमान सहन नाही झाला, तरुणाचे उचलले टोकाचे पाऊल) गॅसचा सप्लाय देखील सुरू होता. या वेळी घरातील पाईपचा कॉक सुरू असून गॅस लिकेज होत होता. या वेळी हे कामकाज सुरू असताना गॅस कामगारांनी शोल्डरिंगचे काम सुरू केले, याच वेळी लिकेज असलेल्या पाईपने आग पकडली आणि मोठा स्फोट झाला. या आवाजाने इमारती मधील इतर रहिवाशांची पळापळ सुरू झाली. हा स्फोट एवढा भयानक होता की, घरातील इतर आग पसरली यात कामगार होरपळून निघाले. त्यात दोन्ही कामगाराच्या हाताला आणि छातीला आग लागून तो जखमी झाला आहे. आगीची घटना कामोठे पोलीस आणि अग्निशमन दलाच्या जवानांना मिळाल्यानंतर अग्निशमन दलाच्या जवानांनी घटनास्थळी पोचून गॅस सप्लाय बंद केला आणि पोलिसांनी तत्काळ जखमी कामगारांना कामोठे वसाहतीमधील रुग्णालयात उपचारासाठी दाखल केले आहे.

• Follow us on