)
मुंबई**, 30** जुलै: इन्कम टॅक्स रिटर्न (ITR) भरण्याची शेवटची तारीख 31 जुलै रोजी संपणार आहे. जर तुम्ही कराच्या कक्षेत येत असाल आणि अजून ITR भरला नसेल, तर हे काम त्वरित पूर्ण करा. जर तुम्ही देय तारखेनंतर ITR भरला तर तुम्हाला दंड भरावा लागेल. त्यामुळे आयकर विभाग सातत्याने करदात्यांना वेळेवर आयटीआर दाखल करण्यास सांगत आहे. लोकांची अपेक्षा आहे की सरकार दरवेळेप्रमाणे या वर्षीही अंतिम मुदत (ITR Filing Deadline Extension) वाढवेल. याबाबत आयकर विभागानं बरीच माहिती दिली आहे. 31 जुलैपर्यंत सुमारे सात कोटी आयटीआर दाखल करायचे होते, मात्र 28 जुलैपर्यंत हा आकडा पाच कोटीपर्यंत पोहोचला नव्हता. अशा स्थितीत गेल्या दोन दिवसांत रिटर्न फाइलिंग पोर्टलवरील भार वाढू शकतो आणि यंत्रणा संथ होऊ शकते. वेळेवर आयटीआर भरण्याचे अनेक फायदे आहेत. तुम्ही जितक्या लवकर इन्कम टॅक्स रिटर्न फाइल कराल तितक्या लवकर रिफंड (Income Tax Refund) येईल. तारीख पुढे सरकणार नाही- 28 जुलै 2022 पर्यंत 4.09 कोटींहून अधिक लोकांनी आयटीआर दाखल केल्याचे इन्कम टॅक्स इंडियाच्या वतीने ट्विट करून सांगण्यात आले आहे. 28 जुलै रोजी 36 लाखांहून अधिक आयटीआर दाखल करण्यात आले होते. मूल्यांकन वर्ष 2022-23 साठी ITR दाखल करण्याची अंतिम तारीख 31 जुलै 2022 आहे. तुम्ही अद्याप तुमचा आयटीआर दाखल केला नसेल, तर ते त्वरित करा आणि विलंब शुल्क टाळा.
Over 4.52 crore ITRs filed till 29th July, 2022 & more than 43 lakh ITRs filed on 29th July, 2022 itself.
— Income Tax India (@IncomeTaxIndia) July 30, 2022
Hope you have filed yours too! If not, pl #FileNow
Due date to file ITR for AY 2022-23 is 31st July, 2022.
Pl visit: https://t.co/GYvO3mStKf#ITR @FinMinIndia
हेही वाचा- Vyapar Credit Card: मोदी सरकारची नवी योजना, छोट्या व्यापाऱ्यांना मिळणार क्रेडिट कार्ड, ‘हे’ आहेत फायदे किती दंड आकारला जाईल- इन्कम टॅक्स इंडियाने आपल्या ट्विटमध्ये स्पष्ट केलं आहे की 31 जुलैपर्यंत आयटीआर फाइल करा आणि दंड टाळा. म्हणजेच 1 ऑगस्टपासून आयटीआर भरण्यासाठी दंड भरावा लागेल. तुमचा रिटर्न वेळेवर भरून तुम्ही हे टाळू शकता. अंतिम मुदतीनंतर ITR दाखल केल्यास दंड आकारला जाऊ शकतो. अंतिम मुदतीनंतर रिटर्न भरण्यासाठी, 5 लाख किंवा त्यापेक्षा कमी उत्पन्नावर 1,000 रुपये विलंब शुल्क आकारले जाईल. 5 लाखांपेक्षा जास्त उत्पन्नासाठी विलंब शुल्क 5,000 रुपये असेल. ही रक्कम 10,000 रुपयांपर्यंत जाऊ शकते. स्वतःच आयकर रिटर्न फाइल करा- आयटीआर भरण्यासाठी, तुम्हाला युजर आयडी आणि पासवर्डच्या मदतीने आयकर विभागाच्या https://www.incometax.gov.in/iec/foportal वेबसाइटवर लॉग इन करावं लागेल. आयकर रिटर्न (ITR) भरण्यासाठी, तुम्हाला पॅन कार्ड, आधार कार्ड, बँक खाते क्रमांक, गुंतवणूक तपशील आणि फॉर्म 16 किंवा फॉर्म 26AS आवश्यक असेल.
+6
फोटो
