)
मुंबई, 10 ऑगस्ट : रिझर्व्ह बँक ऑफ इंडियाने रेपो दरात वाढ केल्याने सर्वच कर्जाच्या व्याजदरात वाढ केली आहे. गृह कर्ज घेतलेल्या ग्राहकांना यामुळे सर्वाधिक फटका बसत आहेत. कारण त्यांच्या EMIमध्ये वाढ होत आहे. RBI ने गेल्या 3 महिन्यात रेपो रेट 1.4 टक्क्यांनी वाढवला आहे. यासह विविध बँकांचे गृहकर्जाचे व्याजदरही 6.5 वरून 8 टक्क्यांपर्यंत वाढले आहेत. रिझर्व्ह बँक व्याजदरात आणखी वाढ करू शकते आणि रेपो दर 6 टक्क्यांवर नेऊ शकते, असे बाजारातील तज्ज्ञांचे मत आहे. मात्र रिझर्व्ह बँकेने रेपो रेट आणखी वाढवल्यास गृहकर्जाचे व्याजदर आणखी वाढतील. याचा फटका थेट सर्वसामान्यांच्या खिशाला बसणार आहे. अशा स्थितीत गृहकर्ज घेणाऱ्या ग्राहकांसमोर या वाढलेल्या खर्चाचा सामना कसा करायचा, हा मोठा प्रश्न निर्माण झाला आहे. जेव्हा ईएमआय वाढतो तेव्हा अनेकांना कार्यकाळ वाढवून ईएमआय कमी होतो, परंतु असे करणे योग्य आहे की नाही याबद्दल माहिती घेऊ. सरकारकडून विवाहित जोडप्यांना मिळतात 72000 रुपये, तुम्हीही घेऊ शकता लाभ पैसा बाजारचे सहसंस्थापक नवीन कुकरेजा यांनी सांगितलं की, EMI ऐवजी कार्यकाळ वाढवल्याने तुम्हाला दीर्घकाळासाठी व्याज भरावे लागेल. ज्यामुळे तुम्हाला जास्त व्याज भरावं लागेल. आणखी एक गुंतवणूक तज्ज्ञ प्रांजल भंडारी सांगतात की, कार्यकाळ वाढवण्याऐवजी ईएमआय वाढवायला हवा जेणेकरून संपूर्ण कार्यकाळात मोठी बचत करता येईल. गृहकर्जाचा कालावधी साधारणपणे 15-20 वर्षे किंवा त्याहून अधिक असतो. या काळात तुम्हाला व्याजदरात अनेक चढउतार दिसतील. कर्जदारांनी गृहकर्जाचे प्रीपेमेंट करावी. यामुळे कर्जाचा कालावधी कमी होऊन व्याजाची बचत होईल. तसेच, कर्ज महाग असल्यास कर्जदार बॅलेन्स ट्रान्सफरची निवड करू शकतात. सोन्याच्या दागिन्यांची शुद्धता घरबसल्या अ‍ॅपद्वारे तपासा, तुमच्या मोबाईलमध्ये आहे का ‘हे’ अ‍ॅप? गृहकर्ज घेणारे आता हायब्रीड कर्जाची निवड करू शकतात. पहिल्या तीन वर्षांसाठी फिक्स्ड रेट लोन घ्या. नंतर ते फ्लोटिंग रेटमध्ये रूपांतरित करा. हे सुनिश्चित करेल की व्याजदरातील चढ-उतार कर्जाच्या कालावधीवर किंवा हप्त्यावर परिणाम करणार नाहीत. फिक्स्ड दरामध्ये, तुम्हाला संपूर्ण कार्यकाळासाठी किंवा तुम्ही ज्या वर्षांसाठी योजना घेतली आहे त्या कालावधीसाठी एकच व्याज दर भरावा लागेल. मात्र तो सामान्य व्याजदरापेक्षा जास्त असतो.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
