)
मुंबई, 13 फेब्रुवारी : जागतिक स्तरावर वाढत असलेल्या महागाईने (Global Inflation) जगभरातील सरकार आणि केंद्रीय बँकांना विचार करायला भाग पाडले आहे. जानेवारी महिन्यात अमेरिकेतील महागाईने गेल्या चार दशकांचा विक्रम मोडला. तेथे महागाईचा दर 7.5 टक्क्यांवर पोहोचला. सततच्या वाढत्या महागाईच्या पार्श्वभूमीवर सोन्याच्या दरात (Gold Price) वाढ होताना दिसत आहे. त्यामुळे सोन्यामध्ये गुंतवणूकदारांचे आकर्षण वाढत आहे. विक्रमी महागाई आणि कच्च्या तेलाच्या किमतीत (Crude Oil Price) झालेली वाढ यामुळे सोन्याच्या दरात वाढ होण्याची शक्यता तज्ज्ञांनी व्यक्त केली आहे. आंतरराष्ट्रीय बाजारात (Global MArket) या आठवड्यात सोन्याचा भाव 1860 डॉलरच्या पुढे गेला आहे, जो तीन महिन्यांच्या उच्चांकावर आहे. MCX वर तो 49000 च्या पुढे गेला आहे. अशा परिस्थितीत तुम्ही सोन्यात गुंतवणूक केली तर तुम्हाला मोठा नफा मिळू शकतो. युक्रेन-रशियामधील तणाव आणखी वाढणार महागाईमुळे सोन्याची मागणी वाढत असल्याचे कमोडिटी बाजारातील तज्ज्ञांचे म्हणणे आहे. त्यामुळे सोन्याचे भाव वाढत आहेत. रशिया आणि युक्रेनमधील तणावादरम्यान जागतिक बाजारात कच्च्या तेलाचे दर 95 डॉलरच्या वर गेले आहे. युक्रेन आणि रशिया यांच्यातील तणाव वाढला तर कच्च्या तेलाचे दर आणि महागाई वाढेल. यामुळे सोन्याच्या किमती आणखी वाढतील. Rakesh Jhunjhunwala यांचं एकाच दिवसात 426 कोटींचं नुकसान; ‘हे’ शेअर ठरले कारणीभूत सोनं लवकरच 50000 ची पातळी गाठेल केडिया अॅडव्हायझरीचे व्यवस्थापकीय संचालक अजय केडिया म्हणतात की, आंतरराष्ट्रीय बाजारात अल्पावधीत सोने MCX वर 1920 डॉलर आणि 50,000 पर्यंत पोहोचू शकते. आयआयएफएल सिक्युरिटीजचे उपाध्यक्ष अनुज गुप्ता म्हणाले की, अमेरिकेतील वाढती महागाई ही चिंतेची बाब आहे. कच्च्या तेलाने 95 डॉलर पार गेले आहे. युक्रेन आणि रशिया यांच्यातील वाद वाढल्यास कच्च्या तेलाचा दर लवकरच 100 डॉलरच्या पुढे जाईल. कच्च्या तेलाच्या वाढत्या किमती आणि वाढती महागाई यामुळे सोन्याचे भाव आणखी वाढू शकतात. नवीन आणि जुन्या टॅक्स स्लॅबपैकी कोणता फायदेशीर? जास्त सूट कुठे मिळेल? चेक करा डिटेल्स जागतिक बाजारपेठेत 1900 डॉलर पर्यंत पोहोचण्याचा अंदाज मोतीलाल ओसवालचे उपाध्यक्ष अमित सजेजा सांगतात की सोन्याचा कल वाढत राहील. प्रथम ते 1865 डॉलर्सची पातळी ओलांडेल. त्यानंतर लवकरच ते 1890 डॉलर आणि नंतर 1900 डॉलरची पातळी ओलांडेल. अनुज गुप्ता म्हणाले की, एमसीएक्सवर सोन्याला 48500 च्या पातळीवर मजबूत सपोर्ट मिळाला आहे. त्याचे पुढील टार्गेट 49700 असेल. काही काळ वाट पाहिल्यानंतर ती 50 हजाराची पातळीही पार करेल.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
