Home /News /money /

Investment Tips: तीन वर्षाच्या मुलाच्या नावे PPF खातं सुरु करा; 15 वर्षात 32 लाख जमा होतील

Investment Tips: तीन वर्षाच्या मुलाच्या नावे PPF खातं सुरु करा; 15 वर्षात 32 लाख जमा होतील

Investment Tips: PPF ची सर्वात महत्वाची गोष्ट म्हणजे यात वयाचे कोणतेही बंधन नाही. तुम्हाला हवे तेव्हा तुम्ही त्याचे खाते उघडू शकता आणि गुंतवणूक सुरू करू शकता.

    मुंबई, 16 मे : मुलांच्या भविष्यातील आर्थिक गरजा (Financial Planning) पूर्ण व्हाव्यात आणि मुलं सुखी आयुष्य जगावे हीच प्रत्येक आई-वडिलांची इच्छा असते. जर तुम्ही देखील अशा पालकांपैकी एक असाल, तर मुलाचे आयुष्य सुधारण्यासाठी तुम्ही योग्य वेळी गुंतवणूकीचे नियोजन करू शकता. अशा योजनांकडे लक्ष द्या ज्यात तुम्ही थोडे पैसे गुंतवू शकता आणि दीर्घ मुदतीसाठी (Long Term Investment) मोठी रक्कम कमवू शकता. सार्वजनिक भविष्य निर्वाह निधी (PPF) तुम्हाला या कामात मदत करू शकतो. तुम्हाला तुमच्या अल्पवयीन मुलासाठी योग्य वेळी पीपीएफ खाते उघडावे लागेल आणि ठराविक रक्कम जमा करावी लागेल. जर तुम्ही दर महिन्याला पैसे जमा करण्याची सवय लावली तर मूल मोठे झाल्यावर मोठी रक्कम उभी केली जाऊ शकते. मुलाचे पीपीएफ खाते कसे उघडायचे आणि त्यासाठी कोणती कागदपत्रे आवश्यक असतील ते जाणून घेऊ. PPF ची सर्वात महत्वाची गोष्ट म्हणजे यात वयाचे कोणतेही बंधन नाही. तुम्हाला हवे तेव्हा तुम्ही त्याचे खाते उघडू शकता आणि गुंतवणूक सुरू करू शकता. यासाठी तुम्ही कोणत्याही अधिकृत बँकेच्या शाखेत जा आणि तेथे फॉर्म 1 भरा. पूर्वी या फॉर्मचे नाव फॉर्म ए होते, परंतु आता ते फॉर्म 1 म्हणून ओळखले जाते. कोणत्याही बँकेत तुम्हाला पीपीएफ खाते उघडण्याची सुविधा मिळेल. भविष्यात त्याची देखभाल करणे देखील सोपे होईल. LIC चे स्वस्तात शेअर खरेदीची संधी, कसं? तज्ज्ञांकडून समजून घ्या पीपीएफ खाते कसे उघडावे? खाते उघडण्यासाठी, पत्ता पुरावा म्हणून तुम्ही तुमचा वैध पासपोर्ट, कायमस्वरूपी ड्रायव्हिंग लायसन्स, मतदार ओळखपत्र, आधार, रेशन कार्ड तपशील देऊ शकता. ओळखीच्या पुराव्यासाठी पॅनकार्ड, आधार, मतदार ओळखपत्र, पासपोर्ट, ड्रायव्हिंग लायसन्स देता येईल. तुम्हाला तुमच्या अल्पवयीन मुलाचे जन्म प्रमाणपत्र द्यावे लागेल, पासपोर्ट आकाराचे फोटोही द्यावे लागेल. खाते उघडताना, तुम्हाला किमान 500 रुपये किंवा त्याहून अधिक रकमेचा चेक द्यावा लागेल. ही सर्व कागदपत्रे पूर्ण झाल्यानंतर, तुमच्या मुलाच्या नावाने PPF पासबुक जारी केले जाईल. Cibil स्कोअर जितका चांगला तितकी कर्ज मिळण्याची शक्यता वाढते; लगेच चेक करा तुमचा सिबिल स्कोअर मुलांसाठी 32 लाख मिळतील मुलाच्या नावावर PPF खात्यात 32 लाख रुपये कसे उभे करायचे याबद्दल जाणून घेऊया. समजा तुमचे अल्पवयीन मूल तीन वर्षांचे आहे आणि तुम्ही पीपीएफ खाते उघडले आहे आणि गुंतवणूक सुरू केली आहे. मूल 18 वर्षांचे झाल्यावर PPF खाते मॅच्युअर होईल. नंतर इच्छा असल्यास आपण ते वाढवू शकता, परंतु आता 15 वर्षांचा हिशोब पाहुयात. तुम्ही मुलाच्या PPF खात्यात दर महिन्याला 10,000 रुपये जमा करायला सुरुवात केली. तुम्हाला ही रक्कम 15 वर्षांपर्यंत दरमहा जमा करावी लागेल. आता जर परतावा 7.10 टक्के दराने जोडला गेला तर, PPF खात्याच्या मॅच्युरिटीवर, मुलाला 3,216,241 रुपये मिळतील. मूल 18 वर्षांचे झाल्यावर ही रक्कम उपलब्ध होईल. 18 वर्षांच्या दृष्टीने ही रक्कम पुरेशी आहे जी उच्च शिक्षणासाठी किंवा इतर आवश्यक खर्चासाठी वापरली जाऊ शकते.
    Published by:Pravin Wakchoure
    First published:

    Tags: Investment, Money, Open ppf account, PPF

    पुढील बातम्या