Solar Rooftop Scheme: खरंच! 25 वर्षे एक रुपयाही वीज बिल येणार नाही, 'ही' सरकारी योजना आहे सुपरहिट!

मुंबई, 9 जुलै: भारत सरकार उर्जेच्या पारंपारिक स्त्रोतांऐवजी पर्यायी स्त्रोतांवर जास्त भर देत आहे. सरकारला डिझेल-पेट्रोलचा वापर कमी करून आयातीवरील खर्च कमी करायचा आहे. याचा देशाला परकीय चलनाच्या साठ्याच्या दृष्टीने फायदा तर होईलच, पण पर्यावरण रक्षणासाठीही मदत होईल. हे लक्षात घेऊन 2030 पर्यंत अपारंपरिक पद्धतीने 40 टक्के वीजनिर्मिती करण्याचे उद्दिष्ट सरकारनं ठेवलं आहे. सरकारनं या वर्षाच्या अखेरीस सौर उर्जेपासून (Solar Rooftop Scheme) 100 GW वीज निर्मितीचे उद्दिष्ट ठेवलं आहे, त्यापैकी 40 मेगावॅट वीज छतावर सौर पॅनेल (Solar Panel) बसवून निर्माण करण्याचं नियोजन आहे. हे उद्दिष्ट साध्य करण्यासाठी सरकार घराच्या छतावर सौर पॅनेल बसवण्यासाठी अनुदानही देत ​​आहे. वीज विकून कमाई करू शकता ही योजना लोकांसाठी अनेक बाबतीत फायदेशीर आहे. सर्वप्रथम, या योजनेंतर्गत सौर पॅनेल बसविण्याचा खर्च कमी आहे, कारण त्यातील काही भाग सरकारकडून अनुदानाच्या रुपात दिला जाणार आहे. केंद्र सरकारशिवाय अनेक राज्य सरकारेही त्यांच्या वतीनं अतिरिक्त अनुदान (Solar Rooftop Scheme Subsidy) देत आहेत. दुसरीकडे सोलर पॅनल बसवल्याने वीज बिलाचा त्रास कायमचा संपतो. तुमच्या घरातील दैनंदिन वापरासाठी लागणारी वीज छतावरील सोलर पॅनेलमधूनच तयार केली जाते. त्याचा तिसरा फायदा म्हणजे या योजनेत कमाईच्या संधी आहेत. घराच्या छतावरील सोलार पॅनल्स तुमच्या गरजेपेक्षा जास्त वीज बनवत असतील तर वीज वितरण कंपन्या तुमच्याकडून ती विकत घेतील. अशाप्रकारे, सोलर रूफटॉप सबसिडी योजना एकाच वेळी तीन जबरदस्त फायदे देते. हेही वाचा:   PM Kisan Yojana: ‘या’ तारखेला शेतकऱ्यांच्या बँक खात्यात जमा होऊ शकतो 12 वा हप्ता अडीच वर्षांत खर्च होईल वसूल- साधारणपणे 2-4kW चा सोलर पॅनल घरासाठी पुरेसा असतो. यामध्ये एक एसी, 2-4 पंखे, एक फ्रीज, 6-8 एलईडी लाईट, 1 पाण्याची मोटर आणि टीव्ही यांसारख्या गोष्टी आरामात वापरता येतात. आता समजा तुमचे छप्पर 1000 चौरस फूट आहे. जर तुम्ही अर्ध्या छतावर म्हणजे 500 स्क्वेअर फूट मध्ये सौर पॅनेल बसवले तर प्लांटची क्षमता 4.6kW होईल. यामध्ये एकूण 1.88 लाख रुपये खर्च येणार असून, तो अनुदानानंतर 1.26 लाख रुपयांवर येईल. आता हे तुम्हाला किती वाचवेल ते जाणून घेऊया. तुमच्या घराच्या सर्व गरजा सौर पॅनेलने पूर्ण केल्याने तुम्ही दरमहा सुमारे 4232 रुपयांचे वीज बिल वाचवाल. एका वर्षासाठी, बचत 50,784 रुपये होते. म्हणजेच तुमचा संपूर्ण खर्च अडीच वर्षांत वसूल होईल. 25 वर्षात तुमची एकूण बचत सुमारे 12.70 लाख रुपये असेल. हेही वाचा:  Whatsapp Status : व्हॉट्सअ‍ॅप स्टेटसला ठेवा शक्तीची देवता श्री हनुमानाचे सुंदर फोटो; मन होईल प्रसन्न अनुदानासाठी अर्ज कसा करावा? (How to apply for Solar Rooftop Scheme Subsidy?)- दुसरीकडे, जर तुमचा वापर कमी असेल तर तुम्ही एक लहान प्लांट देखील लावू शकता. तुम्ही 2kW चा सोलर पॅनल बसवल्यास त्याची किंमत सुमारे 1.20 लाख रुपये असेल. 3 kW पर्यंत सौर रूफटॉप पॅनेल बसवण्यासाठी सरकारकडून 40 टक्के पर्यंत अनुदान उपलब्ध आहे. अशा परिस्थितीत तुमचा खर्च 72,000 रुपयांपर्यंत खाली येईल आणि तुम्हाला सरकारकडून 48,000 रुपयांची सबसिडी मिळेल. सौर रूफटॉप स्थापित करण्यासाठी, तुम्ही त्याच्या अधिकृत वेबसाइट https://solarrooftop.gov.in/ ला भेट देऊन अर्ज करू शकता.

• Follow us on