)
मुंबई : रिझर्व्ह बँक ऑफ इंडियाने महाराष्ट्रातील एका सहकारी बँकेवर कारवाई केलीी आहे. नियमांचं उल्लंघन केल्याने आणि सूचनांचं पालन न केल्यानं या बँकेवर कारवाईचा बडगा उचलला आहे. काही दिवसांपूर्वी RBI ने 9 बँकांना दंड ठोठावला होता. सूचनांचे पालन न केल्याने मुंबईतील एक सहकारी बँकेला सव्वा कोटी रुपयांचा दंड ठोठावण्यात आला आहे. या भरमसाठ दंडात विधेयकांच्या सवलतीशी संबंधित निर्देशांचे उल्लंघन केल्यानं हा दंड ठोठावण्यात आल्याचं निवेदनात RBIने म्हटलं आहे. Zoroastrian Co-operative Bank (जोरोस्ट्रियन सहकारी बँक) या बँकेनं काही नियम मोडल्याने त्यांच्यावर कारवाई करण्यात आली. लेटर ऑफ क्रेडिट (एलसी) आणि नियमांच्या तरतुदींवरील निर्देशांचे पालन करू शकली नाही. 8 वर्षांतील रेकॉर्डमध्येही गोंधळ असल्याचं RBI समोर उघड झालं आहे. लखनऊतील बँकेला 20 लाख रुपयांचा दंड केंद्रीय बँकेच्या स्वतंत्र निवेदनात म्हटले आहे की, अनुत्पादक मालमत्तेच्या (एनपीए) वर्गीकरणाशी संबंधित काही निकषांचे पालन न केल्याबद्दल इंडियन मर्कंटाईल को-ऑपरेटिव्ह बँक, लखनऊवरही कारवाई करण्यात आली. या बँकेला जवळपास २० लाख रुपयांचा दंड ठोठावण्यात आला. आरबीआयने इतर पाच सहकारी बँकांनाही दंड ठोठावला आहे.
9 बँकांवर RBI कडून कारवाईचा बडगा याआधी नोव्हेंबर महिन्यात आरबीआयने एका मोठ्या बँकेचा परवाना रद्द केला होता. याशिवाय विविध बँकिंग नियमांचे उल्लंघन केल्याप्रकरणी आरबीआयने ९ सहकारी बँकांना सुमारे १२ लाखांचा दंड ठोठावला होता. बेरहामपूर कोऑपरेटिव्ह अर्बन बँक (ओडिशा), उस्मानाबाद जनता सहकारी बँक, महाराष्ट्र आणि संतरामपूर अर्बन को-ऑपरेटिव्ह बँक लिमिटेड, गुजरात या बँकांचा यामध्ये समावेश होता. जिल्हा सहकारी केंद्रीय बँक मर्यादित, मध्य प्रदेश, जमशेदपुर शहरी सहकारी बँक लिमिटेड, झारखंड आणि रेणुका नागरिक सहकारी बँक अशा काही बँकांवर प्रत्येकी एक लाख रुपयांचा दंड ठोठावण्यात आला आहे.
+6
फोटो
