पंजाब नॅशनल बँकेचा ग्राहकांना झटका; व्याजदरात वाढ, लोन किती महागणार? चेक करा

मुंबई, 7 मे : सार्वजनिक क्षेत्रातील पंजाब नॅशनल बँकेने (PNB) कर्जावरील व्याजदरातही वाढ केली आहे. PNB ने रेपो आधारित व्याजदर 0.40 टक्क्यांनी वाढवून 6.90 टक्के केला आहे. PNB ने शुक्रवारी शेअर बाजाराला दिलेल्या माहितीत सांगितले की, विद्यमान ग्राहकांसाठी RLLR 1 जून 2022 पासून 6.50 टक्क्यांवरून 6.90 टक्के करण्यात आला आहे. नवीन ग्राहकांसाठी सुधारित RLLR 7 मे 2022 पासून लागू होईल.

यापूर्वी रिझर्व्ह बँकेने धोरणात्मक दरात वाढ केल्यानंतर आयसीआयसीआय बँक (ICICI Bank), बँक ऑफ बडोदा (Bank of Baroda) आणि बँक ऑफ इंडियानेही (Bank of India) रेपो आधारित व्याजदरात वाढ केली होती. PNB ने व्याजदर वाढवल्यानंतर तुमचा EMI देखील वाढेल. तसेच नवीन कर्जदारांना जास्त व्याज द्यावे लागणार आहे.

महागाईचा आणखी एक फटका, LPG Gas Cylinder च्या दरात मोठी वाढ

ठेवींवरील व्याजदरात वाढीमुळे दिलासा

मात्र, PNB ग्राहकांनाही दिलासा मिळाला आहे. बँकेने विविध मुदतींच्या मुदत ठेवींवरील व्याजदरातही वाढ केली आहे. 2 कोटी रुपयांपेक्षा कमी मुदतीच्या ठेवींसाठी, एक वर्षाच्या मुदतीच्या ठेवींवर व्याजदर 5 टक्क्यांवरून 5.10 टक्के करण्यात आला आहे. आजपासून सुधारित व्याजदर लागू होतील.

ICICI बँकेने MCLR देखील वाढवला

खासगी क्षेत्रातील आयसीआयसीआय बँकेनेही एका दिवसापूर्वीच एमसीएलआरमध्ये 0.40% वाढ केली आहे. आता बँकेचा MCLR 8.10% असेल. बँकेच्या वेबसाइटनुसार, त्याने रेपो रेटशी जोडलेले आयसीआयसीआय बँक एक्सटर्नल बेंचमार्क लेंडिंग रेट (I-EBLR) रेपो दराप्रमाणेच वाढवले ​​आहे. नवीन दर 8.10% असेल जो 4 मे 2022 पासून लागू झाला आहे. कोणत्याही बँकेचा MCLR हा खरे तर किमान व्याजदर असतो ज्यातून बँक कमी व्याजाने कर्ज देऊ शकत नाही.

पेट्रोल, गॅस आणि आता रेपो रेट.. थेट संबंध नसला तरी सामान्य माणसालाच बसणार सर्वाधिक झळ

HDFC ने व्याजदरात वाढ केली

आयसीआयसीआय बँकेपूर्वी एचडीएफसीनेही कर्जाच्या व्याजदरात वाढ केली आहे. HDFC ने रिटेल प्राइम लेंडिंग रेट (RPLR) 0.05% ने वाढवला आहे. हे नवीन दर 1 मे 2022 पासून वैध आहेत. बँकेने स्पष्ट केले आहे की अॅडजस्टेबल रेट होम लोन (ARHL) योजनेअंतर्गत गृहकर्जासाठी अर्ज करणाऱ्या ग्राहकांसाठी नवीन व्याजदर 0.05% ने वाढेल आणि त्यांच्या व्याजाच्या रीसेट तारखेपासून लागू होईल.