)
मुंबई, 8 जानेवारी : शेअर बाजाराच्या 3 जानेवारीपासून सुरू झालेल्या या आठवड्याच्या अखेरीस टॉप-5 शेअर्सपैकी एका स्टॉकने 90 टक्के मल्टीबॅगर परतावा दिला, तर उर्वरित शेअर्स 70 टक्क्यांहून अधिक वाढीसह बंद झाले. काल, शुक्रवारी (7 जानेवारी, 2022) शेअर बाजारात गेल्या आठवड्यात 50 टक्क्यांहून अधिक परतावा देणाऱ्या शेअर्सची संख्या 11 होती. आम्ही तुम्हाला असे टॉप 5 शेअर्स सांगणार आहोत, ज्यांनी गेल्या आठवड्यात सर्वाधिक परतावा दिला आणि गुंतवणूकदारांना मालामाल केले. या शेअर्समध्ये Sacheta Metals Ltd., AK Spintex Ltd., KIFS Financial Services Ltd., Narendra Properties Ltd. आणि Tranway Technologies Ltd. यांचा समावेश होता. सचेता मेटल लि. (90.79 टक्के) BSE सेन्सेक्समध्ये व्यवहार करणाऱ्या सचेता मेटल्सने गेल्या आठवड्यात 90 टक्क्यांपेक्षा जास्त परतावा दिला. गेल्या आठवड्याच्या क्लोजिंगला या स्टॉकची किंमत 19.55 रुपये होती, परंतु गेल्या आठवड्याच्या बंदमध्ये स्टॉकमध्ये 37.30 रुपये आहे. त्यानुसार, जर कोणी गेल्या आठवड्यात या स्टॉकमध्ये 1,00,000 रुपयांची गुंतवणूक केली असेल, तर ती आतापर्यंत 1,90,000 पेक्षा जास्त झाली असेल. Multibagger stocks : ‘या’ पेनी स्टॉक्सवर यावर्षी नजर, तुमच्या पोर्टफोलिओत आहेत का? एके स्पिन्टेक्स लि. (85.31 टक्के) टेक्सटाईल शेअर AK Intex Limited च्या शेअरमध्ये गेल्या 5 दिवसात 85.31 टक्क्यांची उसळी पाहायला मिळाली आहे. गेल्या आठवड्यात 28.25 रुपयांवर बंद झालेला हा शेअर या आठवड्यात 52.35 रुपयांवर बंद झाला आहे. त्यानुसार एकूण वाढ 85 टक्क्यांहून अधिक आहे. जर एखाद्याने गेल्या आठवड्यात या स्टॉकमध्ये 1,00,000 ची गुंतवणूक केली असेल, तर त्याने आतापर्यंत 1,85,000 पेक्षा जास्त कमाई केली असेल. KIFS Financial Services Ltd. (80.11 टक्के) गेल्या शुक्रवारी म्हणजेच 31 डिसेंबर रोजी हा स्टॉक 43.50 रुपयांवर बंद झाला, तर या आठवड्याचा शेवट 78.53 रुपयांवर झाला आहे. त्यानुसार त्यात 80 टक्क्यांहून अधिक वाढ झाली आहे. आठवडाभरापूर्वी जर कोणी त्यात 1 लाख रुपये ठेवले असते तर आतापर्यंत 1 लाख 80 पेक्षा जास्त झाले असते. Multibagger Stock : ‘या’ 24 रुपयांच्या स्टॉकची कमाल; अवघ्या आठवडाभरात गुंतवणूकदारांचे पैसे डबल नरेंद्र प्रॉपर्टीज लि. (76.98 टक्के) नरेंद्र प्रॉपर्टीज लिमिटेडच्या शेअर्सनेही गेल्या आठवड्यात जबरदस्त परतावा दिला आहे. हा स्टॉक 31 डिसेंबर 2021 रोजी 20.20 रुपयांवर बंद झाला, परंतु 7 जानेवारी रोजी तो 35.75 रुपयांवर बंद झाला. याचा हिशोब केला तर ही वाढ 76.98 टक्के आहे. याचा अर्थ असा की गेल्या आठवड्यात जर कोणी त्यात 1 लाख रुपये गुंतववले असते तर आतापर्यंत 1 लाख 76 हजारांपेक्षा जास्त झाले असते. ट्रॅनवे टेक्नॉलॉजीज लि. (72.18 टक्के) बीएसई सेन्सेक्सवर व्यवहार करणाऱ्या या शेअरने गेल्या आठवड्यात 72 टक्क्यांहून अधिक परतावा दिला आहे. 31 डिसेंबरला 6.65 वर बंद झालेला हा स्टॉक 7 जानेवारीला 11.45 वर बंद झाला. म्हणजे आठवडाभरात 1 लाख रुपये ते 1 लाख 72 हजार रुपये झाले आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
