तुमच्या फोनमध्ये NPS शी संबंधित माहिती ठेवा सुरक्षित, डिजिलॉकरद्वारे उघडा खाते, अशी आहे प्रक्रिया

नवी दिल्ली, 7 नोव्हेंबर : डिजिलॉकरद्वारे एनपीएस खाते उघडून, तुम्ही त्याच्याशी संबंधित सर्व रेकॉर्ड तुमच्या फोनमध्ये ठेवू शकता. DigiLocker द्वारे NPS खाते उघडण्याची प्रक्रिया देखील खूप सोपी आहे. यासाठी तुम्हाला तुमचा ड्रायव्हिंग लायसन्स डिजीलॉकरशी लिंक करावा लागेल. डिजीलॉकर हे इलेक्ट्रॉनिक्स आणि आयटी मंत्रालयाने विकसित केले आहे. याठिकाणी तुम्ही तुमची सर्व कागदपत्रे डिजिटल स्वरूपात सुरक्षित ठेवू शकता.

डिजिलॉकरवर साठवलेल्या कागदपत्रांची वैधता भौतिक दस्तऐवजांच्या बरोबरीची आहे. एकदा तुम्ही डिजीलॉकरमध्ये कागदपत्रे संग्रहित केल्यावर, तुम्हाला ते कागदाच्या स्वरूपात सर्वत्र घेऊन जाण्याची गरज नाही आणि तुम्ही ते तुमच्या स्मार्ट फोनवर तुम्हाला हवे तेव्हा आणि कुठेही प्रवेश करू शकता. डिजिलॉकरद्वारे NPS खाते कसे उघडू शकता, हे जाणून घेऊयात.

काय करावे लागेल?

तुमच्याकडे डिजिलॉकर खाते असल्यास, सर्वप्रथम प्रोटियन सीआरए पोर्टलवर जावे. त्याची देखभाल नॅशनल सिक्युरिटीज डिपॉझिटरी लिमिटेड करते. पोर्टलमध्ये प्रवेश केल्यानंतर, तुम्हाला NPS नोंदणी पृष्ठावर जावे लागेल. यानंतर, ‘new registration with documents with digilocker’ हा पर्याय निवडल्यानंतर ड्रायव्हिंग लायसन्स निवडा. येथून ग्राहकाला डिजिलॉकर वेबसाइटवर रीडायरेक्ट केले जाईल. डिजिलॉकरमध्ये लॉग इन करा आणि CARA सोबत कागदपत्रे शेअर करण्यासाठी तुमची संमती द्या.

तसेच, तुम्हाला तुमच्या दस्तऐवजांमध्ये प्रवेश करण्यासाठी NAPS ला परवानगी देणे आवश्यक आहे. ड्रायव्हिंग लायसन्सवर नमूद केलेले तपशील NPS खाते उघडण्याच्या पृष्ठावर आपोआप प्रविष्ट केले जातील आणि ते पूर्णपणे तपासा. पुढे तुम्हाला पॅन, वैयक्तिक तपशील, बँक खात्याची माहिती, योजना आणि नॉमिनी यासह इतर माहिती द्यावी लागेल. यानंतर NPS मध्ये तुमचे योगदान द्या आणि तुमचे खाते उघडले जाईल.

हेही वाचा - Online Fixed Deposit कसं सुरू करायचं, गरजेच्या वेळी पैसे काढता येतात का?

NPS ची माहिती -

NPS म्हणजेच राष्ट्रीय पेमेंट योजना ही एक ऐच्छिक पेन्शन योजना आहे. यामध्ये सैन्यदलाशिवाय कोणत्याही क्षेत्रात काम करणारे लोक गुंतवणूक करू शकतात. तुम्ही NPS मध्ये केलेल्या 1.50 लाख रुपयांच्या योगदानावर कर सवलतीचा दावा करू शकता. निवृत्तीनंतर, तुम्हाला NPS मध्ये जमा केलेल्या रकमेपैकी 60 टक्के रक्कम परत मिळते.

तर 40 टक्के रक्कम वार्षिकी म्हणून खरेदी करावी लागते जेणेकरून तुम्हाला नियमित पेन्शन मिळेल. ही पेन्शन पीएफआरडीएकडे नोंदणीकृत कोणत्याही विमा कंपनीद्वारे दिली जाईल. NPS मधून काढलेल्या रकमेवर कर आकारला जात नाही. NPS चा परतावा बाजाराशी संबंधित असतो.