Gold Price Today: सोन्याच्या किंमतीत 1800 रुपयांची घसरण, दर 48000 पेक्षाही कमी; वाचा काय आहे कारण

नवी दिल्ली, 01 फेब्रुवारी: अर्थमंत्री निर्मला सीतारामन (Nirmala Sitharaman) यांनी आज अर्थसंकल्प सादर (Budget 2021) सादर केला. आजच्या दिवशी सोन्याच्या किंमतीमध्ये मोठी घसरण झाली आहे. सीतारामन यांनी सादर केलेल्या बजेटनुसार सोन्यावरील आयात शुल्कात (import Duty) कपात करण्याचा निर्णय घेतला आहे, तर दुसरीकडे सोन्याच्या शेअर्समध्ये वाढ झाली आहे. या सर्वाचा परिणाम देशांतर्गत सोन्याच्या किंमतीवर झाला आहे. याआधी सोन्यावरील आयात शुल्क 12.5 टक्के होतं, आता त्यामध्ये 5 टक्क्यांची घसरण करण्याचा निर्णय घेतला आहे. त्यामुळे सोन्यावरील आयात शुल्क आता 7.5 टक्के आहे. सोमवारच्या उच्चाकांनंतर गोल्ड फ्यूचरमध्ये जवळपास 1800 रुपयांची घसरण झाली, ज्यानंतर सोन्याचे भाव सकाळच्या सत्रात 47,939 रुपये प्रति तोळावर ट्रेड करत होते. याआधीच्या सत्रात सोनं ज्या स्तरावर बंद झालं होतं, त्यापेक्षा 2.83 टक्क्यांनी ही घसरण झाली आहे. (हे वाचा- मोबाइल फोनच्या किंमती वाढणार, वाचा काय महागणार आणि काय स्वस्त होणार? ) सोन्यावर आयात शुल्क कमी करण्यात आले आहे. दरम्यान काही वस्तूंवर कस्टम ड्यूटी वाढवण्यात आली आहे. 0 टक्के कस्टम ड्यूटी असणाऱ्या मोबाइल पार्ट्सवर आता 2.5 टक्के कस्टम ड्यूटी असणार आहे. त्यामुळे काही कंपन्या ज्या मोबाइल पार्ट्स बाहेरून मागवतात आणि भारतात ते असेंबल करतात, त्यांच्या किंमती वाढणार आहेत. त्यामुळे सोनं खरेदी काहीशी स्वस्त झाली असली तरी मोबाइल खरेदी करताना काहीसे अधिक पैसे सामान्यांना मोजावे लागणार आहेत. अर्थमंत्र्यांच्या या घोषणेनंतर मौल्यवान धातूंच्या व्यापारात पैसे गुंतवणाऱ्या कंपन्यांचे शेअर्स वाढले. टायटन 5 टक्क्यांनी वधारून 1,491 रुपयांवर, तर पीसी ज्वेलर आणि वैभव ग्लोबल अनुक्रमे 6 आणि 7 टक्क्यांनी वधारले आहेत. इकॉनॉमिक्स टाइम्स ने ही माहिती दिली आहे. मोदी सरकार देतंय स्वस्त सोने खरेदीची संधी मोदी सरकारकडून (Modi Government) पुन्हा एकदा स्वस्त सोनेखरेदी करण्याची सुवर्णसंधी (Buy Gold with Modi Govt scheme) मिळणार आहे. सरकारद्वारे सॉव्हरेन गोल्ड बाँडचे सब्सक्रिप्शन (Soverign Gold Bond) आजपासून (1 फेब्रुवारी) ते 5 फेब्रुवारी दरम्यान लागू करण्यात येत आहे. रिझर्व्ह बँक ऑफ इंडियाने शुक्रवारी दिलेल्या निवेदनात म्हटले आहे की, यावेळी गोल्ड सब्सक्रिप्शनची किंमत 4,912 रुपये प्रति ग्रॅम निश्चित करण्यात आली आहे. गोल्ड बाँडच्या माध्यमातून सोनेखरेदी करण्याची (Sovereign Gold Bond Scheme 2020-21 Series XI) ही अकरावी संधी आहे. गोल्ड बाँडमध्ये गुंतवणुकदारांना सोने फिजिकल स्वरूपात मिळत नाही, मात्र फिजिकल गोल्डपेक्षा ही गुंकवणूक सुरक्षित मानली जाते.

• Follow us on