मराठी बातम्या /बातम्या /मनी /

गेमिंग अ‍ॅपद्वारे फसवणूक करणार्‍याच्या घरी नोटांचं घबाड! पैसे मोजण्यासाठी ED ने मागवल्या 3 मशीन्स

गेमिंग अ‍ॅपद्वारे फसवणूक करणार्‍याच्या घरी नोटांचं घबाड! पैसे मोजण्यासाठी ED ने मागवल्या 3 मशीन्स

संग्रहित छायाचित्र

संग्रहित छायाचित्र

ई-नगेट्स (E-Nuggets) नावाच्या मोबाईल अ‍ॅप्लिकेशनद्वारे फसवणूक करणार्‍यांच्या विरोधात ईडीने आज कोलकातामधील 6 ठिकाणी छापे टाकले.

  • News18 Lokmat
  • Last Updated :
  • Mumbai, India
  • Published by:  Rahul Punde

कोलकाता, 10 सप्टेंबर : पश्चिम बंगालमधील कोलकाता येथील गार्डनरिच येथील ट्रान्सपोर्ट व्यावसायिक आमिर खानच्या घरातून 15 कोटी रुपये जप्त करण्यात आले आहेत. अंमलबजावणी संचालनालयाच्या (ईडी) अधिकाऱ्यांनी शनिवारी दुपारी ही माहिती दिली. जप्त झालेल्या नोटा मोजण्यासाठी एकूण तीन नोटा मोजण्याचे यंत्र आमिर खानच्या घरी आणण्यात आले आहे. ईडीच्या प्रेस स्टेटमेंटनुसार तो मोबाईल गेमिंग अ‍ॅपद्वारे फसवणूक करत असे. या प्रकरणी ईडीने शनिवारी सकाळी 8.30 वाजल्यापासून कोलकाता शहरातील सहा ठिकाणी शोधमोहीम सुरू केली होती.

मिळालेल्या माहितीनुसार, आमिर खानच्या दुमजली घरातून 15 कोटींहून अधिक रक्कम जप्त करण्यात आली आहे. आमिर खानच्या दुमजली घरातील एका खोलीच्या बेडखाली अनेक प्लास्टिकच्या पिशव्यांमध्ये नोटांचे ढीग होते. त्यात 500 आणि 2000 च्या नोटा ठेवण्यात आल्या होत्या. वृत्त लिहिपर्यंत नोटांची मोजणी सुरू आहे.

ईडीचे कोलकात्यात सहा ठिकाणी छापेमारी

सूत्रांनी दिलेल्या माहितीनुसार, ईडी अधिकाऱ्यांनी शनिवारी सकाळपासून न्यूटाऊन, पार्क स्ट्रीट, मोमीनपूरचा बंदर परिसर आणि गार्डनरिचमधील शाही स्टेबल लेनसह सहा ठिकाणी शोध मोहीम सुरू केली. सूत्रांनी सांगितले की, ही कारवाई मोबाईल अ‍ॅपशी संबंधित फसवणूक प्रकरणाच्या चौकशीचा एक भाग आहे. मात्र, आमिर खानच्या गार्डनरिच घरातून कोट्यवधी रुपये जप्त करण्यात आल्यानंतर, निसार अहमद खान यांचा मुलगा आमिर खान याच्याविरुद्ध पार्क स्ट्रीट पोलिसांनी टाकलेल्या छाप्यांचे सर्व केंद्रबिंदू आमिरचे शाही स्टेबल्स लेनमधील दुमजली घर बनले, असे ईडीने प्रसिद्धीपत्रकात म्हटले आहे. ठाण्यात फसवणुकीची तक्रार दाखल करण्यात आली आहे. आमिरसह अनेक लोकांनी मोबाईल गेमिंग अॅप्सच्या माध्यमातून अनेक ग्राहकांना फसवल्याचा आरोप आहे. याप्रकरणी मुख्य महानगर दंडाधिकाऱ्यांसमोर गुन्हा दाखल करण्यात आला आहे. या प्रकरणाच्या तपासासाठी ईडीने शनिवारी सकाळपासून शोधमोहीम सुरू केली आहे. 15 फेब्रुवारी रोजी पार्क स्ट्रीट पोलिस स्टेशनमध्ये आमिर खानसह अनेक लोकांविरुद्ध एफआयआर दाखल करण्यात आला आहे.

वाचा - Online Fraud: बँकेचे ऑनलाईन व्यवहार करताना या सवयी आत्ताच लावून घ्या, कारण वेळ सांगून येत नाही

व्यावसायिक मोबाईल अ‍ॅपच्या माध्यमातून फसवणूक करायचा

आरोपींविरुद्ध भारतीय दंड संहितेच्या कलम 406, 409 यासह फसवणूक, विश्वासभंग यासह अनेक कलमे जोडण्यात आली आहेत. ईडीने दावा केला आहे की, आमीर 'ई-नगेट्स' (E-Nuggets) नावाच्या मोबाईल गेमिंग अ‍ॅपद्वारे ग्राहकांकडून पैसे उकळत असे. सुरुवातीला त्या अॅपद्वारे गेममध्ये सहभागी होणाऱ्या ग्राहकांना कमिशन देण्याबाबत आश्वासन दिले जात होते. अ‍ॅपद्वारे ते पैसे त्यांच्या वॉलेटमध्ये सहज काढू शकत होते. ग्राहकांचा विश्वास जिंकल्यानंतर आरोपींनी त्याचा फायदा घेतल्याचा दावा ईडीने केला आहे. अहवालानुसार, युजर्सने जास्त कमिशनच्या आमिषाने मोठ्या रकमेची गुंतवणूक केल्यानंतर पैसे काढण्याचा पर्याय अचानक बंद होत होता. ईडीने एका प्रसिद्धीपत्रकात म्हटले आहे की, शनिवारी शोध मोहिमेदरम्यान अनेक बनावट खाती सापडली आहेत.

First published:

Tags: Case ED raids, Raid