मार्च महिन्याच्या शेवटच्या तारखेला आर्थिक वर्ष संपते. हा महिना संपण्याापूर्वी काही महत्त्वाची कामे पूर्ण न केल्यास मोठा दंड भरावा लागू शकतो. केंद्र सरकारने विविध योजना, कामांसाठी अंतिम मुदत 31 मार्च 2022 पर्यंत वाढवली आहे
जीवन प्रमाणपत्र जमा करण्याची तारीख- सरकारने पेन्शनधारकांसाठी जीवन प्रमाणपत्र (life certificate for pensioners) सादर करण्याची अंतिम तारीख 31 डिसेंबर 2021 वरून 28 फेब्रुवारी 2022 पर्यंत वाढवली आहे. आता पेन्शनधारक 28 फेब्रुवारी 2022 पर्यंत त्यांचा हे लाइफ सर्टिफिकेट सादर करू शकतात. हे काम पूर्ण केल्यास तुमचे पेन्शन कोणत्याही अडथळ्याशिवाय पुढे सुरू राहू शकते
आधारशी पॅन लिंक करा-जर तुम्ही अद्याप तुमच्या आधार क्रमांकाशी पॅन लिंक केले नसेल ( PAN Aadhaar liking deadline ), तर तुम्ही हे काम 31 मार्च 2022 पूर्वी करणे आवश्यक आहे. या तारखेपर्यंत तुमचा पॅन तुमच्या आधार क्रमांकाशी लिंक केला नाही, तर तुमचा पॅन निष्क्रिय होईलच, तसेच तुम्हाला 1,000 रुपये दंडही भरावा लागेल.
आयटीआर फाइलिंग- 2020-21 या आर्थिक वर्षासाठी प्राप्तिकर विवरणपत्र म्हणजेच आयकर रिटर्न भरण्याची अंतिम मुदत 31 डिसेंबर 2021 होती, जी आता संपली आहे. ज्यांची 31 डिसेंबरची अंतिम मुदत चुकली आहे, ते अजूनही आयटीआर भरू शकतात. आता ही डेडलाइन 15 मार्च आहे.
बँक केवायसी रिझर्व्ह बँक ऑफ इंडिया (RBI) ने केवायसी पूर्ण करण्याची अंतिम मुदत 31 डिसेंबर 2021 ऐवजी 31 मार्च 2022 केली आहे. केवायसी अंतर्गत, बँक ग्राहकांना त्यांचे पॅन कार्ड, आधार, पासपोर्ट इत्यादी अपडेट करण्यास सांगते. यासोबतच अलीकडचा पासपोर्ट फोटो आणि इतर माहितीही घेतली जाते.