Cibil Score : चांगला पगार असूनही बँकेनं कर्ज नाकारलं? ’हे’ एक काम मिळवून देईल लोन

मुंबई**, 23** जुलै : आजच्या काळात घर बांधण्यासाठी किंवा व्यवसाय सुरू करण्यासाठी कर्जाची (Bank Loan) गरज असते. जर तुम्ही लहान किंवा मोठं कर्ज घेण्याची योजना आखत असाल आणि बँकेनं तुम्हाला कोणत्याही त्रासाशिवाय आणि हेलपाटे न मारता अगदी सहजपणे परवडणाऱ्या दरात कर्ज द्यावं अशी तुमची इच्छा असेल, तर तुमच्यासाठी तुम्हाला सिबिल स्कोर (Cibil Score)  समजून घेणं खूप महत्त्वाचं आहे. कारण कर्ज देताना कोणतीही बँक निश्चितपणे सिबिल स्कोअर तपासते आणि त्या आधारे कर्ज देते. सिबिल स्कोर चांगला असणं महत्त्वाचं- कर्ज घेणाऱ्यांची संख्या सातत्यानं वाढत असल्याचं तज्ज्ञांचं म्हणणं आहे. अशा स्थितीत तुमच्या सिबिल स्कोअरचं महत्त्व नीट समजून घेणं आणि तो चांगला नसल्यास तो सुधारण्यासाठी उपाय करणं महत्त्वाचं आहे. वास्तविक, बँका नेहमी व्यक्तीचा सिबिल स्कोअर तपासल्यानंतरच कर्ज मंजूर करतात. सिबिल स्कोअरला क्रेडिट स्कोअर (Credit Score) असंही म्हणतात. कर्जाचे हप्ते थकवू नका- खरं तर क्रेडिट स्कोअरच्या मदतीनं बँका पाहतात की,  तुम्ही कर्जाची वेळेवर परतफेड करता की नाही. यासोबतच बँका हे देखील तपासतात की, त्या व्यक्तीने कर्ज भरण्यात (Loan Payment) चूक केली आहे का. म्हणजेच कर्ज मागणाऱ्या व्यक्तीची संपूर्ण माहिती बँकांना त्याच्या सिबिल स्कोअरच्या आधारेच कळते. बँकांनी सिबिल स्कोअरसाठी निकष निश्चित केले आहेत. यावर आधारित, 750 च्या वर असणं तुम्हाला कमी व्याजदरात कर्ज मिळवून देण्यासाठी उपयुक्त ठरू शकतं. तुमचा क्रेडिट इतिहास चांगला असेल तरच तुमचा सिबिल स्कोर सुधारेल. म्हणूनच आधी घेतलेलं कर्ज किंवा क्रेडिट कार्डचं बिल तुम्ही योग्य वेळी भरत राहणं महत्त्वाचं आहे. हेही वाचा:  Best Business Idea: सुंदर तर प्रत्येकाला दिसायचंय! सरकारी मदत घेऊन ‘हा’ व्यवसाय करा, होईल भरपूर कमाई क्रेडिट कार्डचं बिल वेळेवर भरा- जर तुम्ही कर्जाचा EMI चुकवला किंवा बिल प्रलंबित असेल तर त्याचा तुमच्या CIBIL स्कोअरवर परिणाम होतो. यामुळे तुमचा स्कोअर कमी होतो. जरी तुम्ही क्रेडिट कार्डने खर्च केला आणि वेळेवर बिल भरलं नाही तरी स्कोअरवर वाईट परिणाम होतो. तुम्ही पेमेंट न केल्यास क्रेडिट तपासणी कंपन्या तुमचा स्कोअर कमी करतात. खराब क्रेडिट स्कोअरमुळे भविष्यात कर्ज मिळणे कठीण होतं. जर तुमचा CIBIL स्कोर कमकुवत असेल, तर बँक तुम्हाला कर्ज सहजासहजी देणार नाही आणि ते जास्त व्याजदरानं देईल. म्हणजेच कर्ज भरताना आणखी त्रास होईल आणि जास्त पैसे मोजावे लागतील. रिझर्व्ह बँक ऑफ इंडियानं (RBI)  देखील या संदर्भात बँकांना सल्ला दिला आहे की बँकांनी कर्ज देण्यापूर्वी CIBIL पुष्टीकरण करणं आवश्यक आहे. त्यामुळे कर्ज बुडण्याची शक्यता कमी होते. तुमचा सिबिल स्कोअर सुधारण्यासाठी वेळेवर पेमेंट करा. अंतिम मुदतीपूर्वी क्रेडिट कार्ड पेमेंट किंवा इतर कोणतेही बिल किंवा ईएमआय पेमेंट करणं फायदेशीर ठरेल. याशिवाय आवश्यक तेवढा खर्च करा आणि प्रलंबित रक्कम वेळेवर भरा. क्रेडिट कार्डवर खर्च करताना खूप काळजी घेणं आवश्यक आहे.

• Follow us on