Gold price Today: सोने दरात तुफान वाढ, मे 2021 नंतरची सर्वात मोठी वाढ

नवी दिल्ली, 5 मार्च : रशिया - युक्रेन युद्धाचा (Russia-Ukraine War) संपूर्ण जगभरात परिणाम होतो आहे, क्रूड ऑइलपासून ते महागाईपर्यंतच्या अनेक समस्या समोर येत आहेत. जगभरात कमॉडिटी दरात तेजी पाहायला मिळत आहे. मल्टी कमॉडिटी एक्सचेंजवर (MCX) मे 2021 नंतर सर्वात मोठी तेजी पाहायला मिळाली. आज MCX गोल्ड प्राइज 52,549 रुपये प्रति 10 ग्रॅमवर (Gold Price Today) आहे. येत्या काही दिवसांत सोनं 54,000 रुपयांपर्यंत पोहोचू शकतं असा अंदाज जाणकारांनी वर्तवला आहे. Religare Broking च्या सुगंधा सचदेव यांनी सांगतिलं, की रशिया आणि युक्रेन युद्धामुळे बाजारात रिस्क सेंटिमेंट वाढला आहे. त्यामुळे अशा अनिश्चिततेच्या वातावरणात लोक सोन्यात गुंतवणूक करत आहेत. सुरक्षित गुंतवणूक म्हणून सोन्याकडे कल वाढला आहे. वाढत्या तणावादरम्यान या आठवड्यात सोने दरात मे 2021 नंतरची सर्वात मोठी साप्ताहिक वाढ पाहायला मिळाली. सोने दरात वाढीची शक्यता - रशिया-युक्रेन युद्धाने गंभीर स्वरुप घेतलं आहे. त्यामुळे याचा परिणाम सोने दरावरही होत असून सोने दरात वाढ पाहायला मिळत आहे. त्याशिवाय इतर कमॉडिटी आणि कच्च्या तेलाच्या किमतीत आलेल्या वाढीमुळे महागाईसंबंधीत चिंताही आणखी वाढली आहे. त्यामुळेच अनेक गुंतवणुकदार सोन्यातील गुंतवणुकीकडे वळले आहेत. मिस्ड कॉल देऊन जाणून घ्या सोन्याचा दर - सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.

हे वाचा -  पेट्रोल-डिझेलचे दर 15 रुपयांना वाढू शकतात, ऑईल कंपन्या सध्या मोठ्या तोट्यात

कशी तपासाल सोन्याची शुद्धता - तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवलं आहे. ‘BIS Care App’ द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे. दरम्यान, रशिया आणि युक्रेनमधील वाढत्या तणावामुळे सोने दरावर मोठा परिणाम होण्याची शक्यता आहे. जगभरातील शेअर बाजारात अनिश्चिततेचं वातावरण आहे. त्यामुळे गुंतवणुकदार पुन्हा एकदा सुरक्षित गुंतवणूक म्हणून सोन्याकडे वळले असल्याचं चित्र आहे.

• Follow us on