ITR Filing: शेवटचे 7 दिवस! अंतिम मुदतीपूर्वी IT रिटर्न फाइल न केल्यास होईल कारवाई

मुंबई, 22 जुलै: आर्थिक वर्ष 2021-22 (FY22) म्हणजेच मूल्यांकन वर्ष 2022-23 साठी (AY23) प्राप्तिकर विवरणपत्र (Income Tax Return Filing) भरण्याची अंतिम मुदत जवळ येत आहे. आयकर विभागानं (Income Tax Department) लोकांना आवाहन केलं आहे की, आयटीआर फाइलिंग डेडलाइनची वाट पाहू नका आणि उशीर न करता लगेच तुमचा आयटीआर फाइल करा. सध्या, ITR दाखल करण्याची अंतिम मुदत 31 जुलै 2022 आहे. मुदत वाढवली जाईल याची शाश्वती नाही. सरकारनं मुदत वाढवली नाही तर तुम्हाला दंड भरावा लागू शकतो. विलंबाने होऊ शकते गैरसोय - जर तुम्ही अजून ITR भरला नसेल तर विलंब न करता हे काम पूर्ण करा. आयटीआर दाखल करणं अनेक बाबतीत फायदेशीर ठरतं आणि दाखल न करणे काही प्रसंगी त्रासदायक ठरू शकतं. आजच्या काळात अशी अनेक महत्त्वाची आर्थिक कामं आहेत ज्यात आयकर रिटर्नची मागणी केली जाते. जर तुम्ही वेळेवर सातत्याने ITR भरला असेल, तर तुम्हाला त्यांचा फायदा मिळतो, तर ITR दाखल न केल्यानं योग्य तोटा होतो. कधी कधी काही कामं त्याशिवाय अपूर्ण राहतात. हेही वाचा-  Travel Credit Cards: प्रवासाची आवड असणाऱ्यांसाठी स्पेशल क्रेडिट कार्ड्स; मिळतील अनेक ऑफर्स ही कागदपत्रे आधीच काढून ठेवा- आयटीआर भरण्यासाठी तुम्हाला युजर आयडी आणि पासवर्डच्या मदतीने आयकर विभागाच्या https://www.incometax.gov.in/iec/foportal वेबसाइटवर लॉग इन करावं लागेल. आयकर रिटर्न (ITR) भरण्यासाठी, तुम्हाला पॅन कार्ड, आधार कार्ड, बँक खातं क्रमांक, गुंतवणूक तपशील आणि फॉर्म 16 किंवा फॉर्म 26AS आवश्यक असेल. यावेळी आयकर विभागानं एआयएसशी डेटा जोडणं अनिवार्य केलं आहे. नंतर, आयकर विभाग तुम्हाला नोटीस देत नाही, म्हणून AIS आगाऊ डाउनलोड करा. तुमचं वार्षिक उत्पन्न 2.5 लाखांपेक्षा जास्त असेल, तरीही तुम्ही आयकर रिटर्न भरत नसाल, तर तुम्हाला यासाठी दंड भरावा लागू शकतो. याशिवाय तुम्हाला इतर समस्यांचाही सामना करावा लागू शकतो. त्यामुळे 31 जुलैपर्यंत तुमचे आयकर रिटर्न भरणं आवश्यक आहे. इन्कम टॅक्स रिटर्न (ITR) भरण्याचे 7 फायदे आहेत-

1. विकसित देशांच्या व्हिसासाठी ITR आवश्यक आहे.
2. आयटीआर हा सर्वात स्वीकार्य उत्पन्नाचा पुरावा आहे.
3. आयटीआर भरून तुम्ही कर परतावा मिळवू शकता.
4. बँकेचं कर्ज मिळणं सोपं आहे.
5. व्यवसाय सुरू करण्यासाठी ITR आवश्यक आहे.
6. तुम्हाला अधिक विमा संरक्षण हवं असेल तरीही ITR आवश्यक आहे.
7. आयटीआर अ‍ॅड्रेस प्रूफमध्येही उपयुक्त आहे.

• Follow us on