बँकांच्या 'या' सेवांसाठी मोजावे लागतात पैसे, शुल्कांची संपूर्ण यादी तपासा

मुंबई, 21 ऑगस्ट: बँक आपल्या ग्राहकांना ऑनलाइन आणि ऑफलाइन दोन्ही सेवा (Banking services) पुरवते. यापैकी काही सेवा विनामूल्य आहेत, तर काहींसाठी पैसे द्यावे (Bank service charge) लागतात. साधारणपणे, बँका त्यांच्या ग्राहकांना मोफत एटीएम कार्ड, चेकबुक आणि ऑनलाइन सेवा यासारख्या सेवा मोफत देतात. दुसरीकडे काही सेवांवर शुल्क आकारलं जातं किंवा काही मोफत सेवांवरदेखील एका मर्यादेनंतर शुल्क आकारलं जातं. अशा परिस्थितीत, या सेवा वापरण्यापूर्वी या शुल्कांची माहिती असणं आवश्यक आहे. बँकेशी संबंधित शुल्क तपशील-

सेवा शुल्क सामान्यतः अत्यंत नाममात्र असतो आणि जेव्हा ग्राहक विनामूल्य वापराची मर्यादा ओलांडतो, तेव्हाच शुल्क आकारला जातो. उदाहरणार्थ, एटीएममधून पैसे काढण्याची कमाल मर्यादा निश्चित केली आहे.
खात्यात जमा केलेले पैसे बँकेने निश्चित केलेल्या किमान मर्यादेपेक्षा कमी असल्यास दंड आकारला जातो.
डेबिट कार्डसाठी वार्षिक शुल्क भरावं लागतं.
चेकबुक पुन्हा जारी करण्यासाठी किंवा ते बाऊन्स झाल्यास शुल्क द्यावं लागतं.
पेमेंट ट्रान्सफर फी.
रोख पैसे काढणं आणि ठेवींवरील रकमेवरदेखील शुल्क आकारलं जाऊ शकते.
कॅश डिलिव्हरी सारख्या होम बँकिंग सेवांसाठी देखील शुल्क आकारलं जातं.
तुम्ही कर्जासाठी अर्ज केल्यास, तुम्हाला प्रक्रिया शुल्क, डॉक्यूमेंटेशेन चार्ज, आणि अर्ज शुल्क भरावं लागेल.
कर्जासाठी काही कागदपत्रे बँकेत जमा करावी लागतात, जेव्हा तुम्ही त्यांची डुप्लिकेट कॉपीसाठी अर्ज करता, तेव्हा त्यावर काही शुल्कही आकारलं जातं.

हेही वाचा: Income Tax: करदाते अजूनही दंड न भरता ITR फाईल करु शकतात; ‘या’ गोष्टी लक्षात ठेवा

जर कर्ज निश्चित व्याजदरानं घेतले असेल, तर तुम्हाला मुदतपूर्व बंद करण्यासाठी शुल्क भरावं लागेल.
लॉकर सुविधा.
तुमच्या डेबिट कार्डवरून देशाबाहेर म्हणजेच परदेशात पेमेंट करण्यासाठी तुम्हाला शुल्क देखील द्यावं लागेल.
डिमांड ड्राफ्ट बनवताना.
अधिक चेक असलेलं चेकबुक मिळविण्यासाठी.

प्रत्येक बँकेत शुल्क वेगवेगळे असू शकते BankBazaar.com चे सीईओ आदिल शेट्टी यांच्या मते, बँका त्यांच्या ग्राहकांना मूलभूत सेवांसाठीच्या सर्व शुल्कांची माहिती देतात. यामध्ये काही बदल असल्यास त्याबाबतही माहिती देण्यात येते. याशिवाय बँका त्यांचे संपूर्ण तपशील त्यांच्या वेबसाइट आणि मोबाइल अॅप्सवर सार्वजनिक करतात. हे शुल्क बँकेनुसार बदलू शकतात. याशिवाय, बँका काही ग्राहकांना अधिक सवलत देतात म्हणजेच त्यांना अधिक मोफत सेवा मिळतात.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: bank services , penalty charges , personal banking