)
इंदोर, 28 फेब्रुवारी : अखेर सरफराज मेमन याच्या मुसक्या आवळण्यात महाराष्ट्र एटीएसच्या पथकाला यश आलं आहे. सरफराज याला इंदोरमधून ताब्यात घेण्यात आलं असून, त्याची चौकशी करण्यात येणार आहे. राष्ट्रीय सुरक्षा यंत्रणा एनआयएकडून मुंबई पोलिसांना एक मेल आला होता. या मेलमध्ये सरफराज मेमन यांच्याबद्दल माहिती देण्यात आली होती. चीन, हाँगकाँग आणि पाकिस्तान या देशात प्रशिक्षण घेतलेला एक हस्तक मुंबईत आला आहे. सरफराज मेमन असं या संशयिताचं नाव असल्याचं या मेलमध्ये म्हटलं होतं. त्यानंतर पोलीस यंत्रणा सतर्क झाली. इंदोरमधून ताब्यात एनआयएकडून मुंबई पोलिसांच्या नियंत्रण कक्षाला जो मेल आला आहे, त्या मेलमध्ये सरफराज हा मध्यप्रदेशमधील इंदोरचा असल्याचा दावा करण्यात आला होता. त्यामुळे याबाबत मध्यप्रदेश सरकारला देखील माहिती देण्यात आली होती. हा व्यक्ती भारतासाठी धोकादायक असल्याचं या मेलमध्ये म्हटलं आहे. तसेच त्याची ओळख पटावी यासाठी त्याचे लायन्स, परवाना, व्हिसा यासह आधार कार्डची प्रतही मुंबई पोलिसांना मेल करण्यात आली होती. अखेर सरफराज याला इंदोरमधून अटक करण्यात आली आहे.
मुंबईमध्ये फिरतेय खतरनाक व्यक्ती; ‘एनआयए’कडून अलर्ट जारी!यापूर्वीही हल्ल्यासंदर्भात मेल दरम्यान यापूर्वी देखील दोनदा दहशतवादी हल्ल्याबाबतचे संदेश मिळालेले आहेत. पहिला मेल हा फेब्रुवारी महिन्यातील पहिल्या आठवड्यात एनआयएला मिळाला होता. या मेलचा शोध घेतला असता हा मेल पाकिस्तानमधून आल्याचे स्पष्ट झाले. मेलमध्ये सीआयएचा अधिकारी असल्याचे भासवण्यात आले होते. तर दुसरा संदेश हा मुंबई पोलिसांच्या वाहतूक नियंत्रण कक्षाला पाकिस्तानच्या एका नंबरवरून प्राप्त झाला होता. ज्यामध्ये मुंबईमध्ये पुन्हा 26/11 सारखा हल्ला होणार असल्याचं म्हटलं होतं.
+6
फोटो
