)
बारामती, 31 डिसेंबर : ‘देशात सत्तेचा गैरवापर केला जात आहे. अधिवेशनाची सुरुवात झाली, बजेट हे महत्त्वाचे विषय आहे. या महत्वाच्या घडामोडीसाठी सत्ताधारी पक्षाने संसदेचा दर्जा राखण्यासाठी पावलं टाकली पाहिजे. पण आजपर्यंत कधी असं चित्र पाहिलं नाही, याचा विचार करावा लागणार आहे, अशी टीका राष्ट्रवादीचे अध्यक्ष शरद पवार यांनी केली. हिवाळी अधिवेशन आणि राजकीय घडामोडींवर शरद पवार यांनी पत्रकार परिषद घेऊन भाजपवर टीका केली आहे. ‘केंद्र सरकारचे अधिवेशन झालचं नाही. विरोधकांना बोलू द्यायचं नाही अशी केंद्राची भूमिका आहे. सभागृहात गोंधळ करायचा आणि विधेयक मंजूर घ्यायची हे सरकारची भूमिका आहे. हे चित्र या आधी कधी झालं नाही. हे किती दिवस चालणार काय माहित. याचा विचार आम्हा विरोधकांना बसून करावा लागेल, अशी टीकाही पवारांनी केली. (‘धोक्याचे आणि खोक्यांचे वर्ष’, अखेरच्या दिवशीही शिवसेनेचा शिंदे गटावर वार) ‘अनिल देशमुख यांच्या बाबतीत असेल, संजय राऊत यांच्या बाबतीत असेल जामिनीवर कोर्टाने भूमिका घेतली. जे आरोप केले होते, त्यात काहीही तथ्य आढळून आले नाही. ज्या कामासाठी त्यांना आत टाकले त्यामुळे काही सापडले नाही, हा निष्कर्ष कोर्टाने काढला. एक घाबरवून सोडण्याचे काम झालं. अनिल देशमुख, नवाब मलिक आणि संजय राऊत यांना अटकेसाठी सत्तेचा गैरवापर झाला, अशी टीका शरद पवारांनी भाजपवर केली. (मलाही तुरुंगात टाकण्यासाठी प्लॅन आखला, फडणवीसांनी थेट अधिकाऱ्याचं नावचं घेतलं) ‘एक नवीन चित्र उभे रहात आहे. 56 ते 60 टक्के लोक शेतीवर अवलबून आहेत. चांगला पाऊस झाला, क्रय शक्ती वाढली. त्यामुळे शेतकरी यशस्वी होईल व्यापार आणि उद्योग या क्षेत्रात चागले दिवस यायाला पाहिजे. भारत हा निर्यातदार देश होऊ शकतो. अर्थव्यवस्थासाठी सगळ्यांनी एकत्र आले पाहिजे. सत्तेवर कुणी असेल तरी अर्थव्यवस्था सुधारावी लागेल. राजकीय हेवे दावे बाजूला ठेवून अर्थव्यवस्थवर काम केले पाहिजे, असंही पवार म्हणाले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
