Solapur University will conduct district level startup yatra to increase entrepreneurshipविद्यार्थ्यांना उद्योजक बनण्याचा गोल्डन चान्स, सोलापूर विद्यापीठ काढणार स्टार्टअप यात्रा

सोलापूर, 10 नोव्हेंबर : सोलापूर विद्यापिठाशी संलग्नित असणाऱ्या विद्यार्थ्यांमध्ये उद्योजकतेचे महत्त्व कळावे आणि छोट्या मोठ्या स्टार्टअप उद्योगांमधून विद्यार्थी स्वतः एक मोठा उद्योगपती बनवा. यासाठी पुण्यश्लोक अहिल्यादेवी होळकर सोलापूर विद्यापीठाच्या वतीने 14 नोव्हेंबर पासून स्टार्टअप यात्रेचे जिल्हास्तरीय आयोजन करण्यात आले आहे. साधारणपणे दोन टप्प्यात ही स्टार्टअप यात्रा पार पडणार आहे.

तालुकास्तरीय प्रशिक्षण व जिल्हास्तरीय प्रशिक्षण शिबिर आणि सादरीकरण असे या यात्रेतील मुख्य टप्पे असणार आहेत. जिल्हा पातळीवर सर्व लोकसमूहाणे एकत्रित होऊन या स्टार्टअपचा प्रचार व प्रबोधन करण्यासाठी एक वाहन नेमले आहे. विद्यापीठातील इनोव्हेशन, इनक्युबेशन मंडळ आणी उद्यम इनक्युबेशन सेंटरच्या संयुक्त विद्यमाने हे आयोजन करण्यात आले आहे. काही वेळा योग्य मार्गदर्शना अभावी चांगल्या कल्पना प्रत्यक्षात उतरु शकत नाहीत. याकरिता जिल्ह्यातील विद्यार्थ्यांच्या आणि नागरिकांच्या नवसंकल्पनांना मूर्त स्वरुप देण्यासाठी स्टार्टअप यात्रेचे आयोजन करण्यात येत आहे.

जाहिरात

IT Job Alert: वर्क फ्रॉम होम करण्याची सर्वात मोठी संधी; Cognizant कंपनीत बंपर ओपनिंग्स

स्टार्टअप सादरीकरण आणि जिल्हास्तरीय पारितोषिके

या यात्रेच्या दरम्यान सहभागी विद्यार्थ्यांनी कृषी, शिक्षण आरोग्य, स्मार्ट पायाभूत सुविधा आणि गतिशीलता, ई प्रशासन,सस्टेनिबिलिटी किंवा इतर कोणत्याही विषयावर विद्यापीठात आपले स्टार्टअप सादरीकरण करणे गरजेचे आहे. डिसेंबर महिन्याच्या पहिल्या आठवड्यात या सादरीकरणाची स्पर्धा होईल आणि त्यातून प्रथम तीन विजेत्यांना रोख बक्षीस व प्रमाणपत्राचे वाटप केले जाईल. प्रथम क्रमांकास 10 हजार रुपये, द्वितीय क्रमांकास 7 हजार 500 तर तृतीय क्रमांकास 5 हजार रुपयाचे बक्षीस असणार आहे.आपल्या कल्पनांना वाव द्यावे, असं आवाहन कुलगुरू डॉ. मृणालिनी फडणवीस यांनी केले आहे.

मुख्यत्वे मुंबई पुण्याच्या उद्योजकतेच्या तुलनेत सोलापूर खूपच मागे आहे. त्यामुळे विद्यापीठाचे संलग्नित असणाऱ्या सर्व विद्यार्थी आणि इतर युवक या स्टार्टअप यात्रेमध्ये सहभागी झाल्यास त्यांना उद्योजकता नेमकी काय असते याची गांभीर्य लक्षात येईल. सध्या विद्यापीठ स्टार्टअप आणि उद्योजकता या संदर्भात विविध उपक्रम राबवत आहे. तेच प्रत्येक तालुक्यात पोहोचवण्यासाठी या यात्रेचे आयोजन करण्यात आले आहे. तरी सर्वांनी विद्यापीठामार्फत राबवल्या जाणाऱ्या विविध योजनांचा लाभ घ्यावा, असं आवाहन इनक्युबेशन सेंटरचे संचालक डॉ सचिन लढ्ढा यांनी केले आहे.

जाहिरात

Study Abroad: कोट्यवधी रुपयांची स्कॉलरशिप देते ‘ही’ मोठी युनिव्हर्सिटी; चान्स सोडू नका; आताच करा अप्लाय

असे असणार यात्रेचे नियोजन

-14 नोव्हेंबर रोजी सी. बी. खेडगीज कॉलेज, अक्कलकोट येथे स्टार्टअप यात्रा जाणार आहे.

-15 नोव्हेंबर रोजी उत्तर सोलापूर तालुक्यातील नागरिकांसाठी संगमेश्वर कॉलेज सोलापूर आणि डी. बी. एफ. दयानंद कॉलेज ऑफ आर्टस अँड सायन्स, सोलापूर

-16 नोव्हेंबर रोजी दक्षिण सोलापूरसाठी संतोष भीमराव पाटील आर्ट्स, कॉमर्स, सायन्स कॉलेज, मंद्रूप

-17 नोव्हेंबर रोजी संत दामाजी कॉलेज, मंगळवेढा

-18 नोव्हेंबर रोजी सांगोला सायन्स महाविद्यालय, सांगोला

-21नोव्हेंबर रोजी शंकरराव मोहिते कॉलेज, अकलूज, माळशिरस

-22 नोव्हेंबर रोजी यशवंतराव चव्हाण महाविद्यालय, करमाळा

-23 नोव्हेंबर रोजी आर्ट्स अँड कॉमर्स कॉलेज,माढा

-24 नोव्हेंबर रोजी शिवाजी महाविद्यालय, बार्शी

-25 नोव्हेंबर रोजी बाबूराव पाटिल आर्टस अँड सायन्स कॉलेज, अनगर, मोहोळ

-28 नोव्हेंबर रोजी एस.के.एन.सिंहगड कॉलेज ऑफ इंजिनिअरिंग,कोर्टी, पंढरपूर

-29 नोव्हेंबर रोजी विद्यापीठ कॅम्पस मध्ये स्टार्टअप यात्रेचे आयोजन करण्यात आले आहे.

स्टार्टअप यात्रेत सहभागी होण्यासाठी विद्यार्थी व नागरिक यांनी 7080 2020 55, 7080 2020 56 या नंबरशी संपर्क करावा.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: career , Local18 , solapur