Video: पुस्तकवेड्या तरुणाची धडपड, लायब्ररी उभी करण्यासाठी करतोय 'हे' काम

सोलापूर, ०2 नोव्हेंबर : स्वप्नांना पंख नसतात म्हणल्याप्रमाणे प्रत्येक व्यक्ती जीवनात काहीतरी मोठे होण्याचे स्वप्न पाहत असतो. परंतु त्यापैकी काही जण असे असतात की ती स्वप्ने सत्यात उतरवतात. गणेश पवार हा सोलापूरचा तरुण त्यापैकी एक आहे. पुण्यश्लोक आहिल्यादेवी होळकर सोलापूर विद्यापीठातील तो भूगर्भशास्त्राचा गोल्ड मेडलिस्ट आहे.

वाचून झालेली किंवा घरात पडून असलेली पुस्तके म्हणून जी पुस्तके आपण रद्दीत विकतो ती पुस्तके गणेश रद्दी वाल्यांकडून किलोच्या भावात विकत घेतोय. दुर्मिळ स्वरूपाची आत्मचरित्र, काव्यसंग्रह आणि धर्म संस्कृती जाणून घेण्यासाठीची पुस्तके गणेशने किलोच्या भावात विकत घेतली आहेत. त्या पुस्तकातून तो आज मोठी लायब्ररी उभा करण्याचे स्वप्न साकारण्याचा प्रयत्न करत आहे.

येत्या महिन्यात गणेश लायब्ररी उभा करणार

सोलापूर शहरामधील घराच्या शेजारी असणाऱ्या सार्वजनिक मंडळाच्या मोठ्या हॉलमध्ये येत्या महिन्यात गणेश लायब्ररी उभा करणार आहे. गणेशचे वडील सिद्धेश्वर पवार हे रिक्षा चालवून आपला प्रपंच चालवतात. परंतु गणेशच्या प्रत्येक उपक्रमात ते खंबीरपणे त्याच्या पाठीमागे उभे राहतात. सध्या गणेश हा पुण्यात जॉबला असून आपल्या आसपासचा परिसर तो पायी फिरत भटकंती करत असतो. त्यातूनच त्याने पुण्यात सात ते आठ रद्दीची दुकाने शोधली आणि तिथून तो रद्दीवाल्याकडूनच किलोच्या भावात पुस्तके खरेदी करू लागला आहे. वारजे रोड, कात्रज रोड अशी आणि इतर भरपूर ठिकाणाहून मोठमोठी रद्दीचे दुकाने गणेशने संपूर्णपणे पालथी घातली आहेत.

जाहिरात

हेही वाचा : सोलापूरच्या पुजाची कमाल, हार्वर्ड विद्यापीठात मिळवले स्थान

‘ही’ पुस्तकं केली गोळा

गणेशने संग्रहित केलेल्या या पुस्तकांमध्ये व.पु. काळे, जयंत नारळीकर ,अच्युत गोडबोले यांच्यापासून ते दुर्मिळ स्वरूपातील इंग्रजी भाषेतील नोवेल्स, काव्यसंग्रह, आणि अति दुर्मिळ स्वरूपातील पर्यावरणाच्या विषयांवर आधारित अशी अनेक पुस्तके त्याने या रद्दीतून गोळा केले आहेत. इतकेच नव्हे तर येत्या काळात अकॅडमिक स्वरूपातील अनेक पुस्तके तो गोळा करीत आहे. स्पर्धा परीक्षा देण्यासाठी इच्छुक असणाऱ्या स्पर्धकांना आणि विद्यार्थ्यांना तो नोट्स प्रोव्हाइड करणार आहे. तेही याच रद्दीच्या दुकानातून त्याने खरेदी केले आहेत.

हेही वाचा : राष्ट्रपतीपदक विजेत्या अधिकाऱ्याकडे नव्हते परीक्षेसाठी पैसे, पाहा कसा केला संघर्षमय प्रवास, Video

गणेशला मदतीची गरज

लहानपणापासून ते महाविद्यालयीन शिक्षण घेण्यापर्यंत मी ऐकत आलोय की डॉक्टर बाबासाहेब आंबेडकरांनी पुस्तकासाठी एक स्वतंत्र घर उभा केलेलं. ते वाक्य माझ्या अजूनही कायम स्मरणात आहे. तेथूनच आपण नागरिकांसाठी स्वतःची लायब्ररी तयार करावी. ही भावना माझ्यात कायम रुजली त्याचप्रमाणे माझी आई जिला शैक्षणिक कोणत्याही प्रकारची पार्श्वभूमी नसताना मला इतक्या हालाखीतून शिकवले आणि त्यातूनच मी भूगर्भशास्त्रात जिल्ह्यात पहिला येऊ शकलो.

जाहिरात

माझ्या आईच्या प्रेरणामुळेच मी ही वाटचाल केली आहे. त्यामुळे मी आपणा सर्वांना विनंती करतो की आपल्याकडे जी रद्दी स्वरूपातील कोणती पुस्तके असतील ती मी योग्य भावात घेऊ इच्छित आहे आणि त्यापासून मी लायब्ररी तयार करणार आहे. तरी माझ्या या आवाहनाला आपण प्रतिसाद द्यावा, असं गणेश पवार सांगतो.

संपर्क क्रमांक

गणेश पवार +91 81496 85331

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: solapur