सातारा : उधारीचे पैसे देऊ शकत नव्हता म्हणून पत्नीला म्हणाला..., मित्रानेही साधला तो डाव

सातारा, 3 जानेवारी : राज्यात दिवसेंदिवस गुन्हेगारीच्या घटना वाढत आहेत. त्यातच आता सातारा जिल्ह्यात एक संतापजनक प्रकार घडला आहे. उधार घेतलेले पैसे देण्याची ऐपत नाही म्हणून मित्रासोबत आपल्या पत्नीला संबंध ठेवण्यास एका भाग पाडले. सातारा जिल्ह्यातील फलटण तालुक्यात ही घटना घडली. काय आहे संपूर्ण प्रकरण - मित्राने दिलेले पैसे परत करता येत नव्हते. तो नेहमी पैसे मागायचा. तसेच घरीही पैसे मागायला यायचा. म्हणून या कटकटीतून सुटण्यासाठी पतीने आपल्या पत्नीपुढे घरात आलेल्या मित्राला खूश करायचा प्रस्ताव ठेवला. मात्र, पत्नीने त्या प्रस्तावाला नकार दिला. पत्नीने दिलेल्या नकारानंतरही पतीने धमकावून तिला मित्रासोबत शारीरिक संबंध ठेवण्यास भाग पाडले. पीडित विवाहिता ही 29 वर्षांची आहे. पीडित महिलेने फलटण ग्रामीण पोलीस ठाण्यात धाव घेऊन पोलिसांना घडलेला प्रकार सांगितला. त्यानंतर पोलिसांनी पतीच्या मित्रासह अन्य काहीजणांवर बलात्कारसह अन्य कलमान्वये गुन्हा दाखल केला. पीडितेच्या पतीने घर बांधण्यासाठी अनेकांकडून उसने पैसे घेतले होते. त्यातील काही लोक पैसे मागण्यासाठी घरी यायचे. सायंकाळी पती घरी आल्यानंतर घरी कोण-कोण पैसे मागायला आले ते पत्नी सांगायची. त्यापैकीच एक पतीचा मित्रही नेहमी पैसे मागण्यासाठी घरी यायचा. हे पत्नी पतीला सांगत होती. याचदरम्यान, ‘मी मित्राकडून पैसे घेतले आहेत. मात्र, मी त्याला पैसे परत देऊ शकत नाही. असे आरोपी पतीने आपल्या पत्नीला सांगितलं. हेही वाचा -  तरुणी प्रेमात झाली आंधळी, बॉयफ्रेंडसाठी स्वत:च्या आईसोबत केलं भयानक कांड काही दिवसांनी पतीचा मित्र पुन्हा पैसे मागण्यासाठी घरी आला. त्यावेळी पतीने मित्रासोबत बोल, असे आपल्या पत्नीला सांगितला. यावेळी पत्नीने ‘मला त्याच्याशी कशाला बोलायला लावले आहे, असे विचारले तर पतीने तिला मारहाण केली. तसेच ‘मी मित्राचे पैसे देऊ शकत नाही. माझ्याजवळ पैसेपण नाहीत. त्यावर मी एक उपाय शोधला आहे,’ असे म्हणून पत्नीला त्यानं मित्रासोबत जबरदस्तीने शारीरिक संबंध ठेवण्यास सांगितले. दोनवेळा मित्र घरी आला… नोव्हेंबर 2022 आणि डिसेंबर 2022 या कालावधीत दोनवेळा पतीचा मित्र घरी आला. त्यावेळी त्याच्यासोबत जबरदस्तीने शारीरिक संबंध ठेवण्यास पत्नीला भाग पाडले. मित्र घरात आल्यानंतर पती घराबाहेरचा जायचा. हा प्रकार सुरू असतानाच काही दिवस उलटल्यानंतर तो मित्र पुन्हा पतीला पैसे मागू लागला. त्यामुळे पतीने आणि घरातील इतर लोकांनी त्या मित्राच्या विरोधात पोलिस ठाण्यात तक्रार दे, असे पीडित विवाहितेला सांगितले. पत्नीने नकार दिला तर पतीने बेल्टने तिला मारहाण केली. यानंतर पीडितेने पोलीस ठाण्यात धाव घेत घडलेला प्रकार सांगितला. याप्रकरणी पोलिसांनी पतीच्या मित्रासह अन्य काहीजणांवर बलात्कारसह अन्य कलमान्वये गुन्हा दाखल केला. याप्रकरणी फलटण ग्रामीण पोलीस अधिक तपास करत आहे.

• Follow us on