Home /News /maharashtra /

राज ठाकरेंची आज ठाण्यात सभा, सभेला काही तास शिल्लक असताना संदीप देशपांडेंचं सूचक Tweet

राज ठाकरेंची आज ठाण्यात सभा, सभेला काही तास शिल्लक असताना संदीप देशपांडेंचं सूचक Tweet

महाराष्ट्र नवनिर्माण सेनेचे अध्यक्ष राज ठाकरे (Maharashtra Navnirman Sena president Raj Thackeray) यांची आज ठाण्यात (Thane) सभा होणार आहे.

    मुंबई, 12 एप्रिल: महाराष्ट्र नवनिर्माण सेनेचे अध्यक्ष राज ठाकरे (Maharashtra Navnirman Sena president Raj Thackeray) यांची आज ठाण्यात (Thane) सभा होणार आहे. राज ठाकरेंची गुढीपाडव्यानिमित्त सभा झाली. या सभेत केलेल्या भाषणाचे पडसाद अद्यापही कायम आहेत. यासाठीच आज उत्तरसभा होणार आहे. या उत्तरसभेत राज ठाकरे काय बोलणार याची उत्सुकता सगळ्यांनाच लागली आहे. मात्र त्याचदरम्यान मनसे नेते संदीप देशपांडे (Sandeep Deshpande)यांनी एक सूचक ट्विट (Tweet) केलं आहे. आज सकाळीच मनसे सरचिटणीस संदीप देशपांडे यांनी एक ट्विट करून 'लाव रे तो व्हिडिओ' पुन्हा गाजणार असल्याचं म्हटलं आहे. राजसाहेबांच्या गुढी पाडवा मेळाव्यानंतर ज्यांना "लाव रे तो व्हिडिओ"ची खूप आठवण येत होती त्यांच्यासाठी आजची सभा खास असल्याचं संदीप देशपांडे यांनी आपल्या ट्विटमध्ये म्हटलं आहे. ठाण्यातील तलावपाळी येथे आज संध्याकाळी 6 वाजता ही सभा होणार आहे. मनसेकडून या सभेसाठी जय्यत तयारी करण्यात आली आहे. राज ठाकरेंच्या आवाजातील एक टीझर देखील मनसेकडून जाहीर करण्यात आला आहे. गुढीपाडवा मेळाव्यात (MNS Gudi Padwa Melava) राज ठाकरे यांनी केलेल्या भाषणातून महाविकास आघाडीवर (Mahavikas Aghadi) जोरदार हल्लाबोल केला. खासकरुन मुख्यमंत्री उद्धव ठाकरे, शिवसेना आणि राष्ट्रवादी काँग्रेसवर राज ठाकरेंनी निशाणा साधला. इतकेच नाही तर हिंदुत्ववादी भूमिका स्पष्टपणे मांडत इतर विषयांवरही भाष्य केलं. राज ठाकरेंच्या या भाषणाची चर्चा गल्लीपासून ते दिल्लीपर्यंत झाली आणि विविध राजकीय प्रतिक्रिया येऊ लागल्या होत्या. याच सर्व प्रतिक्रियेला उत्तर देण्यासाठी राज ठाकरेंनी आजची सभा आयोजित केली आहे.
    Published by:Pooja Vichare
    First published:

    Tags: MNS, Raj Thackeray (Politician), Sandeep deshpande

    पुढील बातम्या