)
मुंबई, 26 एप्रिल : अमृता फडणवीस आणि अमोल कोल्हे यांनी मनसे अध्यक्ष राज ठाकरे यांची मुलाखत घेतली. या मुलाखतीमध्ये राज ठाकरेंनी तुफान फटकेबाजी केली. लोकमत महाराष्ट्रीयन ऑफ द इयर, या कार्यक्रमात हे तिघंही व्यासपीठावर आले होते. अमृता फडणवीस यांनी विचारलेल्या रॅपिड फायर प्रश्नांना राज ठाकरेंनी एका शब्दात उत्तरं दिली. एकनाथ शिंदेंना काय सल्ला द्याल? असं विचारलं असता जपून राहा, असं राज ठाकरे म्हणाले. याशिवाय देवेंद्र फडणवीस यांनी वरती संबंध नीट ठेवावेत, असा सल्लाही राज ठाकरेंनी दिला. उद्धव ठाकरे आणि आदित्य ठाकरे हे स्वयंभू असल्याचा टोलाही त्यांनी लगावला. अजित पवारांबाबत विचारलं असता खेडच्या सभेत सगळं बोलायचं आहे. बाहेर जेवढं लक्ष देत आहात, तेवढं काकांकडे द्या, असं राज ठाकरे अजित पवारांना म्हणाले. राजकारणात डोळे मारणं आणि टाळी मारणं सुरू आहे. राहुल गांधींनी मोदींजींना मिठ्ठी मारली, अजित पवारांनी उद्धव ठाकरेंकडे माईक दिला आणि डोळा मारला. तुमचा काय प्लॅन आहे, टाळी द्यायचा?, असा प्रश्न अमृता फडणवीस यांनी विचारला.
डोळे मारायचा?, ज्या वयात या गोष्टी करायच्या असतील त्या करायच्या असतात. त्यांच्या या गोष्टी वयात राहून गेल्या असतील म्हणून ते असं करत असतील, असा टोला राज ठाकरे यांनी अजित पवारांना लगावला. तुम्ही कुणाला साथ देणार? असा प्रश्नही अमृता फडणवीस यांनी विचारला, त्यावरही राज ठाकरेंनी फटकेबाजी केली. ‘महाराष्ट्राचे उपमुख्यमंत्री हे कोणासोबत आहे, ते कळत नाही. ते पहाटे गाडी घेऊन जातात. कित्येक वेळा तुम्हाला माहिती नसतं. मग कधी ते शिंदेंसोबत असतात. मग अजितदादांचा चेहरा उतरलेला असतो. कुणाला भेटणं आणि बोलणं ही बातमी झाली आहे. एक राजकारणातला मोकळेपणा होता, तो मीडियाने घालावला आहे. त्यामुळे त्याला आता अर्थ उरला नाही. कुणी कुणाला भेटलं आणि बोललं तर युत्या आणि आघाड्या होत नाही. जोपर्यंत स्वरूप येत नाही, त्यामुळे पुढे काही होत नाही’, असं राज ठाकरे म्हणाले.
+6
फोटो
