)
पुणे, 14 मार्च : सातारा महामार्गावर (Satara) चालत्या शिवशाही बसमधून अचानक धूर येऊन तिने पेट घेतल्याची घटना घडली. भोर तालुक्यातील राजगड साखर कारखान्यासमोरील उड्डाणपूलावर सोमवारी दुपारी ४.१५ वा. ही घटना घडली आहे. चालकाच्या प्रसंगावधानाने मोठी दुर्घटना टळली आहे. सांगली डेपोहून निघालेली सांगली - स्वारगेट शिवशाही (Sangali-Swargate Shivshahi) बस स. ११.३० वा. सांगलीतून निघाली. सातारा – पुणे महामार्गावर निगडे गावाच्या हद्दीतील उड्डाणपूलावर बस आली असता अचानक गाडीतून धूर येऊ लागला. गाडीचे चालक शेरअली सिराज फकीर यांनी प्रसंगावधान दाखवत तातडीने गाडी थांबवली व गाडीतील सर्व प्रवाशांना बाहेर काढले. थोड्याच वेळात गाडीने पेट घेतला. गाडीमध्ये स्त्रीया, पुरुष व लहान मुले असे एकुण ४० प्रवासी होते.
सातारा महामार्गावर पुण्याला जाणाऱ्या चालत्या शिवशाही बसमधून अचानक धूर येऊन तिने पेट घेतल्याची घटना घडली. pic.twitter.com/GbVnadHkiv
— News18Lokmat (@News18lokmat) March 14, 2022
या सर्व प्रवासी जीवाच्या आकांताने बसबाहेर धावले असले, तरी त्यांचे सर्व साहित्य मात्र जळालेल्या बसमध्ये राख झाले आहे. एकंदर प्रवाशांचे यात मोठं नुकसान झालं आहे.
+6
फोटो
