)
गडचिरोली, 28 मार्च : माओवाद्यांचा (Maoists) घातपाताचा कट पोलीस कमांडोंनी उधळून लावला आहे. खोब्रामेंढा जंगलात तीनवेळा माओवाद्यांकडून पोलिसांवर गोळीबार करण्यात आला. त्यानंतर पोलिसांनीही जोरदार प्रत्युत्तर देऊन हल्ला परतवून लावला. माओवाद्यांचं टीपागड पहाडीवर प्रशिक्षण शिबीर होतं. कंपनी दलमसह 70 माओवादी शिबीरात उपस्थित होते. विशेष अभियानाचे अतिरिक्त अधीक्षक मनीष कलवानिया यांच्या नेतृत्वात सी सिक्स्टी कमांडोनी प्रशिक्षण शिबीर उद्धवस्त केलं. यावेळी झालेल्या चकमकीत काही माओवादी जखमी झाल्याची शक्यता आहे. घटनास्थळी मोठ्या प्रमाणात शस्त्रसाठा जप्त करण्यात आला असून एक बंदूक, काही काडतुसे, तीन आयडी बॉम्ब, भूसुरुंग स्फोट करणारे पदार्थ जप्त करण्यात आले आहे. हेही वाचा - पंतप्रधान मोदींच्या दौऱ्यानंतर बांगलादेशात हिंसाचार; हिंदू मंदिरं होतायेत लक्ष्य तब्बल 24 तासाच्या कोम्बिंग ऑपरेशननंतर आज हे पोलीस पथक गडचिरोली येथे सुरक्षित दाखल झालं आहे. पोलिसांच्या या कामगिरीमुळे माओवाद्यांकडून घातपातासाठी रचण्यात येत असलेला कट आधीच उधळला गेला आहे. दरम्यान, काही दिवसांपूर्वीच छत्तीसगडच्या नारायणपूर जिल्ह्यात जवानांनी भरलेली बस माओवाद्यांनी स्फोट करुन उडवली होती. या घटनेत 3 जवान शहीद, तर 8 जण गंभीर जखमी झाले होते. एकूण 50 च्या आसपास जवान या बसमधून प्रवास करत होते.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
