)
राहुल खंदारे, प्रतिनिधी बुलडाणा, 31 ऑगस्ट : भ्रष्टाचाराची मूळ किती खोलपर्यंत आणि किती खालच्या पातळीवर रुजलेली आहेत हे बुलडाण्यातील (buldhana) एका ग्रामपंचायतीची कार्यालयाच्या व्हिडीओतून (video) समोर आली आहे. एक ग्रामसेवक आपल्या सरपंच आणि इतर सदस्यांना चक्क भ्रष्टाचाराचे धडे देत आहे. ही सगळी भ्रष्टाचाराची शाळा सीसीटीव्ही कॅमेऱ्यात कैद झाली आहे. जिल्ह्यातील मेहकर तालुक्यातील डोनगाव ग्रामपंचायतीमधला हा व्हिडीओ आहे. ग्रामपंचायत सचिव ज्ञानेश्वर चनखोरे डोनगाव ग्रामपंचायतीत नवख्या असलेल्या महिला सरपंचांना भ्रष्टाचाराचे पाठ शिकवितानाचे सीसीटीव्ही फुटेज समोर आलं आहे. यात ग्रामपंचायत सचिव ज्ञानेश्वर चनखोरे, महिला सरपंच रेखा पांडव , महिला सरपंचाचा पती रवी पांडव ,ग्रामपंचायतीचे कर्मचारी गणेश घोगल व प्रदीप परमाळे असे सर्व ग्रामपंचायतीच्या कार्यालयात बसलेले असतानाचे सीसीटीव्ही फुटेज आहे.
यात ग्राम सचिव हा महिला सरपंचाला म्हणतो की, ‘पावसाळा लागला की जनतेच्या प्रश्नावर आपण कान आणि डोळे बंद करून घ्यायचे आणि जसं जळत तसं जळू द्यायचं कारण जनता बदमाश आहे. शिवाय तुम्हाला जनतेने पैसे घेऊनच मतदान केलं आहे. एकाही चोराने फुकट मतदान केलं नाही.मतदान करणारे चोर आहेत. आपण इथं पैसे खाण्यासाठी बसलो असून पैसे खाणे हा आपला अधिकार आहे.’ यासर्व संभाषणाचं सीसीटीव्ही फुटेज न्यूज 18 लोकमत च्या हाती लागले आहे. (जळगावात शिवसेनेत राडा, उद्धव ठाकरेंच्या आदेशामुळे जुने शिवसैनिक संतापले) व्हिडीओ मधून मेहकर तालुक्यातील व जिल्ह्यातील सर्वात मोठी ग्रामपंचायतीचे ग्रामसेवक हे सरपंच व सरपंच पती यांना म्हणतात की, ‘पावसाळा लागला की आपण कान डोळे बंद करायचे जसं जळतं तसं जळू द्या कारण जनता बदमाश आहे. तुम्हाला जनतेने पैसे घेऊनच मतदान केले, एकाही चोराने फुकट मतदान केले नाही, मतदान करणारे चोर आहेत’ हे संभाषण बाहेर आल्यावर आता ग्रामस्थ व ग्रामपंचायत सदस्य आक्रमक असून या सर्व प्रकाराची चौकशी करून या भ्रष्ट ग्रामसेवकावर कारवाईची मागणी आता होऊ लागली आहे. मात्र, न्यूज 18 लोकमतया व्हिडीओची पुष्टी करत नाही.
+6
फोटो
