शरद पवार हे दाऊदचा माणूस असल्याचा मला संशय, महाराष्ट्रात संशय देखील घेऊ शकत नाही का? गुन्हा दाखल होताच निलेश राणेंची प्रतिक्रिया

मुंबई, 13 मार्च : भाजपचे आमदार नितेश राणे (Nitesh Rane) आणि त्यांचे बंधू माजी खासदार निलेश राणे (Former MP Nilesh Rane) यांनी शरद पवार (Sharad Pawar) यांच्याबाबत केलेल्या विधानानंतर त्यांच्या विरोधात गुन्हा दाखल करण्यात आला आहे. मुंबईतील मरीन ड्राईव्ह पोलीस स्टेशनमध्ये हा गुन्हा दाखल करण्यात आला आहे. हा गुन्हा दाखल झाल्यानंतर आता निलेश राणे यांनी संतप्त प्रतिक्रिया दिली आहे.

निलेश राणे म्हणाले, दाऊद म्हटल्याने कुणाच्या जिवाला धोका आहे शरद पवारांना? माझा आरोपच आहे आणि माझा संशय आहे की पवार साहेब दाऊदची व्यक्ती आहे महाराष्ट्रातील. नवाब मलिक सेकंड, थर्ड असतील आणि पवार साहेब पहिली व्यक्ती आहे हा माझा संशय आहे. संशय देखील महाराष्ट्रात घेऊ शकत नाही का?

आवाज दाबण्याचा प्रयत्न केला आणि तो सुद्धा राणेंचा? इतकं करुन सुद्धा आवाज दाबू शकले नाहीत. मी बोलतच राहणार. अशा एक नाही तर हजार तक्रारी करा. माझा संशय आहे, ज्याने देशात धुडगूस घातलं अशा दाऊदच्या लोकांसोबत नवाब मलिक अॅग्रिमेंट साईन करतात. त्यांना पैसे मिळतात. त्यानंतर काही बॉम्बस्फोट महाराष्ट्र आणि देशात होतात. तरी सुद्धा तो व्यक्ती तुमच्या मंत्रिमंडळात आहे?

वाचा : मुंबई पोलिसांची देवेंद्र फडणवीसांना नोटीस, नेमकं काय घडलं?

अटक होण्याआधी अनिल देशमुखांचा राजीनामा घेतलात? नावब मलिक तर जेल मध्ये आहेत मग त्यांचा राजीनामा का नाही ? नावब मलिक शरद पवार यांचे कोण लागतात ? असा सवालही निलेश राणे यांनी उपस्थित केला आहे.

शरद पवारांवरील टीका भोवली, राणे बंधूंविरोधात मुंबईत गुन्हा दाखल

राष्ट्रवादी काँग्रेस पक्षाचे सर्वेसर्वा शरद पवार (Sharad Pawar) यांच्याविरोधात केलेल्या आक्षेपार्ह वक्तव्याच्याविरोधात नितेश राणे आणि माजी खासदार निलेश राणे (Former MP Nilesh Rane) या दोघांच्याविरोधात मुंबईत गुन्हा दाखल करण्यात आला आहे. राष्ट्रवादी काँग्रेस पक्षाचे अध्यक्ष शरद पवार यांचं नाव अंडरवर्ल्ड डॉन दाऊद इब्राहिम याच्यासोबत जोडल्याने राष्ट्रवादी काँग्रेस पक्षाकडून मुंबईतील मरीन ड्राईव्ह पोलीस ठाण्यात तक्रार दाखल करण्यात आली आहे.

सुरज चव्हाण, राष्ट्रवादी युवक कार्याध्यक्ष महाराष्ट्र यांनी आपल्या तक्रारीत म्हटले, निलेश राणे आणि नितेश राणे यांनी जाणीवपूर्वक समाजामध्ये द्वेषाच्या भावना वाढवण्याच्या उद्देशाने भाष्य करुन दंगल घडविण्याचा कट रचत असल्याबाबत आणि शरद पवार साहेबांचे नाव दाऊद इब्राहिमसोबत जोडून त्यांच्या जिवाला धोका निर्माण केल्याबाबत तक्रार दाखल करण्यात यावी.