)
लक्ष्मण घाटोळ, प्रतिनिधी अहमदनगर, 23 जुलै : मनसे नेते अमित ठाकरे यांचा ताफा थांबवल्याने संतप्त मनसे कार्यकर्त्यांनी समृद्धी महामार्गावर असलेल्या सिन्नर येथील टोलनाक्यावर तोडफोड केली होती. आता या प्रकरणात मोठी अपडेट आली आहे. समृद्धी टोल नाका तोडफोड प्रकरणी मनसे कार्यकर्त्यांवर गुन्हा दाखल करण्यात आला आहे. टोल मॅनेजरच्या तक्रारीनंतर 12 ते 15 जणांच्या विरोधात तक्रार दाखल करण्यात आली आहे. काय आहे घटना? महाराष्ट्र नवनिर्माण सेनेचे नेते आणि महाराष्ट्र नवनिर्माण विद्यार्थी सेनेचे अध्यक्ष अमित ठाकरे यांचा ताफा टोल व्यवस्थापनाने थांबवल्याचा आरोप मनसे कार्यकर्त्यांनी केला आहे. या घटनेविरोधात संताप व्यक्त करत कार्यकर्त्यांनी समृद्धी महामार्गावर असलेल्या सिन्नर येथील टोलनाक्यावर तोडफोड केली. टोलनाक्यावर कर्मचाऱ्यांनी उद्धट भाषा वापरली. फास्ट टॅग असूनही बराचवेळ गाडी थांबवण्यात आली, टोकनाक्यावर काही तांत्रिक अडचण निर्माण झाली होती. मात्र, मॅनेजरसह कर्मचारी उद्धट भाषणे बोलले असा दावा अमित ठाकरे यांनी केला आहे. पुढे बोलताना ते म्हणाले की मी जेव्हा नाशिकला पोहोचलो तेव्हा मला कळालं टोल नाका फोडला. राज ठाकरे यांच्यामुळे अनेक टोलनाके बंद झाले, आता त्यात माझ्यामुळे आणखी एकाची भर पडली. वाचा - शस्त्रधारी मनोरुग्ण 25 पोलीस अन् 5 तासांचा थरार; अखेर दोन तरुणांनी दाखवलं धाडस, पहा Video समृद्धी टोल नाका तोडफोड प्रकरणी गुन्हा दाखल मनसे पदाधिकारी आणि कार्यकर्त्यांनी तोडफोड केलेल्या टोलनाका प्रकरणी पोलिसांकडून गंभीर दखल घेण्यात आली आहे. टोल मॅनेजरच्या तक्रारीनंतर 12 ते 15 जणांच्या विरोधात तक्रार दाखल करण्यात आली. नाशिक ग्रामीण भागातील वावी पोलीस ठाण्यात गुन्हा दाखल केलाय. टोल मॅनेजरच्या तक्रारीत 4 ते 5 लाख रुपयांचे नुकसान झाल्याचा उल्लेख आहे. दरम्यान या घटनेवर मनसे नेते बाळा नांदगावकर यांनी देखील प्रतिक्रिया दिली आहे. मला माहिती मिळाल्यानंतर मी तिथल्या एसपीसोबत बोललो. अमित ठाकरे यांच्या गाडीला फास्ट टॅग आहे. त्यामुळे टोलनाक्यावर प्रॉब्लेम येत नाही. तिथे टोलनाक्यावर काही तांत्रिक अडचण निर्माण झाली होती. कार्यकर्त्यांनी याबाबत तिथल्या कर्मचाऱ्यांकडे विचारना केली. मात्र, कर्मचारी उद्धट बोलले, त्यांनी असं बोलायला नको होतं, नेत्याच्या प्रेमापोटी कार्यकर्त्यांचा राग अनावर झाला, असं नांदगावकर यांनी म्हटलं आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
