)
नागपूर, 19 डिसेंबर : नागपूर हिवाळी अधिवेशनामध्ये शिवसेना आणि शिंदे गटामध्ये वाद पाहण्यास मिळाला आहे. अधिवेशनामध्ये दोन्ही पक्षांना वेगळी कार्यालय देण्यात आली आहे. जुनं कार्यालय हे शिंदे गटाला मिळालं त्यामुळे शिवसेनेचे पक्षप्रमुख उद्धव ठाकरे आणि आदित्य ठाकरे यांचे फोटो काढून टाकण्यात आले. नागपूर विधानभवनात शिवसेनेच्या दोन्ही पक्षांना स्वतंत्र कार्यालयं देण्यात आली आहे. ठाकरे गटाला आणि शिंदेंच्या पक्षाला वेगवेगळं कार्यालय देण्यात आलंय. पूर्वीचं शिवसेनेचे कार्यालय शिंदेंच्या पक्षाला मिळालं आहे. त्यामुळे या कार्यालयातील उद्धव ठाकरे आणि आदित्य ठाकरे यांचे फोटो काढण्यात आले असल्याचे समोर आले आहे. या ठिकाणी आता बाळासाहेब ठाकरे आणि आनंद दिघे यांचे फोटो लावण्यात आले आहेत. (अधिवेशनादरम्यान झालं आमदार आईचं दर्शन, राष्ट्रवादीच्या आमदार सरोज अहिरे VIDEO) तसंच कार्यालयाबाहेर बाळासाहेबांची शिवसेना पक्षाचे कार्यालय असा फलकही लावण्यात येणार आहे. सुरुवातीला ठाकरेंचा पक्ष आणि शिंदेंच्या पक्षाला शेजारीशेजारी कार्यालय देण्यात आलं होतं. मात्र यामुळे कोणताही वाद होऊ नये यासाठी आता पूर्वीचे शिवसेनेचे कार्यालय शिंदे पक्षाला तर ठाकरेंच्या पक्षाला कार्यालयासाठी नवी जागा देण्यात आली आहे. दरम्यान, हिवाळी अधिवेशनाचा पहिला दिवस वादळी ठरला आहे. कर्नाटक आणि महाराष्ट्र सीमाभागाच्या मुद्यावर विरोधी पक्षनेते अजित पवार यांनी आक्रमकपणे भूमिका मांडली. त्यानंतर मुख्यमंत्री शिंदे यांनी उत्तर दिलं. (हेही वाचा - अजितदादांनी मांडला कर्नाटक वादाचा मुद्दा, विधानसभा अध्यक्षांनी मध्येच अडवलं ) ‘अजित पवार यांनी मांडलेला मुद्दा सन्मानाचा आहे आणि योग्य आहे. अमित शहा यांच्यासमोर चर्चा झाली. हे पहिल्यांदाच घडले आहे. ही बाजू त्यांनी गांभीर्यांनी घेतली. आम्ही ठोसपणे सांगितले, आमच्या गाड्या अडवल्या जातात, गाड्या फोडल्या जाऊ शकतात, हे आम्ही सांगितलं. शहा यांनी योग्य ती समज दिली. अशी घटना होणार नाही, कोर्टामध्ये प्रकरण आहे, सर्वांनी धीर धरला पाहिजे, असंही शहांनी सांगितलं, असं मुख्यमंत्री एकनाथ शिंदे यांनी सांगितलं. अमित शहांनी मीडियामध्ये सुद्धा सांगितलं, त्याचं विरोधकांनी स्वागत केलं पाहिजे. याआधीचे जे सरकार होते, त्यावेळी किती मोर्चे निघाले, त्याला कुणी परवानगी दिली, त्याचीही माहिती घेतली पाहिजे. राजकारण करण्यासाठी आपल्याकडे खूप मुद्दे आहे. आधीच्या मुख्यमंत्र्यांनी धर्मादाय निधीचे पैसे बंद केले होते. त्या ठिकाणच्या योजना होता. त्या बंद केल्या होता. आम्ही सत्तेत आल्यानंतर सर्व सुरू केल्या आहे, असं म्हणत मुख्यमंत्र्यांनी उद्धव ठाकरेंवर निशाणा साधला.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
