'गेमचेंजर' प्रोजेक्ट 3 महिन्यातच बंद! नागपूर-शिर्डी बससेवा स्थगित करण्याची एसटीवर नामुश्की

विशाल देवकर, प्रतिनिधी

नागपूर, 15 मार्च : पंतप्रधान नरेंद्र मोदी यांच्या हस्ते 11 डिसेंबर रोजी समृद्धी महामार्गावर नागपूर ते शिर्डी ही बसेवा मोठ्या दिमाखात सुरू करण्यात आली होती. ही बसेसा सर्व साई भक्तांसाठी सोयीची ठरेल. त्याचबरोबर राज्याच्या आर्थिक विकासामध्ये गेम चेंजर ठरेल अशी अपेक्षा होती. पण अवघ्या तीन महिन्यात ही एसटी बंद करण्याची नामुष्की हाराष्ट्र राज्य मार्ग परिवहन महामंडळावर ओढावली आहे.

का आली वेळ?

समृद्धी महामार्गावरून धावणाऱ्या एसटीचा खर्चही प्रवाशांअभावी निघत नसल्यामुळे हा निर्णय घेण्यात आला आहे. इतकेच काय तर डिझेलचे पैसेही निघत नसल्याने एसटीने समृद्धी महामार्गावरून धावणाऱ्या नागपूर- शिर्डी बस सेवेला स्थगित करण्याचा निर्णय घेतला आहे.

समृध्दी महामार्गावरून अवघ्या 8 तासात नागपूर ते शिर्डी असा प्रवास करत साईबाबांचे दर्शन घेण्यासाठी जाणाऱ्या साई भक्तांसाठी महाराष्ट्र राज्य मार्ग परिवहन महामंडळाने मोठ्या अपेक्षेने बेस सेवा सुरू केली होती. नागपूरच्या गणेशपेठ आगारातून विना वातानुकुलीत सेमी सिटर कम स्लीपर स्वरुपाची बस सुरू करण्यात आली होती. या बसचं 1300 रुपये तिकीट होतं.

सोलापूरच्या विकासासाठी 72 वर्षांचा वृद्ध मैदानात, पाहा कोणत्या प्रश्नासाठी आली वेळ, Video

या सेवेच्या माध्यमातून आठ तासात शिर्डीला पोहोचता येत असल्याने वेळेची आणि पैशांची बचत होईल असा अंदाज वर्तविला गेला होता,शिवाय ज्येष्ठ नागरिकांकरता सवलतही होती. त्यानंतरही साई भक्तांनी या बसकडं पाठ फिरवली आहे. सध्या परीक्षांचे दिवस आहेत. त्यामुळे प्रवाशांची संख्या आणखी कमी होईल, असा अंदाज आहे. एसटीच्या नागपूर विभाग नियंत्रकांनी एसटी व्यवस्थापनाकडे ही बस सेवा बंद करण्याची परवानगी मागत सध्या बस सेवा स्थगित ठेवली आहे.