)
विशाल देवकर, प्रतिनिधी नागपूर, 16 मार्च : गेल्या काही काळापासून सोन्या-चांदीच्या दरात सातत्याने चढ-उतार होत आहे. सोन्याचे दर आंतरराष्ट्रीय बाजारात ठरत असल्याने त्याचा परिणाम स्थानिक सराफा बाजारातही जाणवतो. आज सोन्याच्या दराने मोठी उसळी घेतली असून 1568 रुपयांनी महाग झाले आहे. नागपूर सराफा बाजारात आजचा सोन्याचा दर 58 हजार 900 रुपये प्रती तोळा आहे. तर चांदीचा दर 620 रूपयांची वाढ होऊन 67 हजार रुपये प्रति किलो झाला आहे. गुढी पाडव्यापूर्वी सोने महागले महाराष्ट्रातील लोकांना सोन्या-चांदीचे चांगलेच आकर्षण आहे. विशेषत: सण, उत्सव, घरगुती समारंभ यानिमित्त महिला वर्ग आवर्जून दागिन्यांची खरेदी करतो. तर गुंतवणुकीचा उत्तम मार्ग म्हणूनही सोने चांदीचा विचार केला जातो. त्यामुळे बदलणाऱ्या दरांवर सर्वांचेच लक्ष असते. आता मराठी नववर्षचा पहिला दिवस मानला जाणारा गुढी पाडव्याचा सण काही दिवसांवर आला आहे. गुढी पाडव्याला सोन्याची खरेदी केली जाते. मात्र, त्यापूर्वीच सोन्याचे दर वाढले आहेत.
दोन दिवसांत 2200 रुपयांची वाढ दिवाळीनंतर सोन्याच्या दरामध्ये वाढ झाली होती. 10 नोव्हेंबरला सोन्याचा दर 52 हजार रुपये होता. त्यानंतर फेब्रुवारीमध्ये सोन्याने 58 हजारांचा टप्पा ओलांडला होता. मात्र, त्यानंतर सोन्याच्या दरात काही प्रमाणात घसरण सुरू झाली होती. 14 मार्चपर्यंत सुरू असलेली घसरण थांबली आणि 15 मार्चला 668 रुपयांनी सोने महागले. तर आज पुन्हा 1568 रुपयांनी सोने महागले आहे. त्यामुळे सोन्याचा दर 59 हजारांच्या घरात पोहोचला आहे. Gold-Silver Rate Today in Nashik : नाशिककरांच्या खिशाला आजही चटका! पुन्हा वाढले सोन्याचे भाव नागपरात दागिन्यांच्या व्हरायटी आता नागपूरच्या बाजारपेठेत लाईट वेट ज्वेलरी, टिंपल ज्वेलरी तसेच कलर ज्वेलरीमध्ये, रोज गोल्ड, पिंक गोल्ड या दागिन्यांना विशेष मागणी आहे. कारण यामध्ये विविध प्रकार आले आहेत. तसेच महिलांचा आकर्षक आणि कमी वजनाचे दागिने परिधान करण्याकडे जास्त कल असतो. यामध्ये नवीन प्रकार आहेत आकर्षक आहेत. त्यामुळे जास्त मागणी सध्या या दागिन्यांना आहे. नागपूर शहरातील आजचा सोन्याचा दर नागपूर शहरातील सोन्याचे दर (10 ग्रॅम) 10 ग्रॅम 24 कॅरेट - 58,900 10 ग्रॅम 22 कॅरेट- 55,900 10 ग्रॅम 20 कॅरेट- 52,250 10 ग्रॅम 18 कॅरेट- 46,300 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 5,890 1 ग्रॅम 22 कॅरेट- 5,590 10 ग्रॅम 20 कॅरेट- 5,225 1 ग्रॅम 18 कॅरेट-. 4,630 चांदीचे दर प्रतिकिलो - 67,000 नागपूर शहरातील कालचा सोन्याचा दर नागपूर शहरातील सोन्याचे दर (10 ग्रॅम) 10 ग्रॅम 24 कॅरेट - 57,332 10 ग्रॅम 22 कॅरेट- 54,100 10 ग्रॅम 20 कॅरेट- 49,900 10 ग्रॅम 18 कॅरेट- 44,170 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 5,733 1 ग्रॅम 22 कॅरेट- 5,410 1 ग्रॅम 20 कॅरेट- 4,990 1 ग्रॅम 18 कॅरेट-. 4,417 चांदीचे दर प्रतिकिलो - 66,380 टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.
+6
फोटो
