Online Fraud : मागवला केक आणि आली पेस्ट्री, ती ही 1400 रुपयांची, swiggy मुळे तरुणाचे डोळे पांढरे!

प्रमोद पाटील, 19 ऑक्टोबर : सध्या ऑनलाईनचा जमाना आल्याने नागरिकांचा ऑनलाईन खरेदीकडे ग्राहकांचा ओढा वाढल्याचे दिसून येत आहे. घरबसल्या आपल्या मनासारखी शॉपिंग असो कि खाद्य पदार्थ हे आपल्या फोनवर बुक करून काही क्षणात आपल्या घरी येतं म्हणून बरेच लोकं ऑनलाईन शॉपिंगला प्राधान्य देत आहेत. मात्र ऑनलाईन खरेदीमध्ये ग्राहकांची फसवणूक होते असे अनेक किस्से आहेत. काही जणांनी मोबाईल मागवल्यानंतर साबण आला आहे तर काहींनी चप्पल मागवल्यानंतर दगड आल्याचे किस्से आपण ऐकत आलो आहोत. अशीच एक घटना नवी मुंबईतील घणसोली येथे घडली आहे.

नवी मुंबईतील घणसोली येथे राहणारे चंद्रकांत कवलगे यांनी ऑनलाईन केकची ऑर्डर केली होती. काही वेळाने त्यांच्याकडे स्विगी कपंनीच्या डिलिव्हरी बॉय ऑर्डर केलेला केक व पेस्ट्री घेऊन आला. मात्र ऑर्डर केलेल्या केकमध्ये व प्रत्यक्ष डिलिव्हरी घेऊन आलेल्या पदार्थांमध्ये मोठ्या प्रमाणात तफावत असल्याचे चंद्रकांत कवलगे यांच्या निदर्शनास आले. हे सर्व पाहिल्यावर आपली फसवणूक झाली आहे असं समजल्यावर चंद्रकांत कवलगे यांनी डिलिव्हरी बॉय घेऊन आलेल्या साहित्यासह व्हिडीओ बनवला. 

हे ही वाचा : स्विगी डिलिवरी बॉयने ट्राफिक पोलीस बनुन केलं असं काम, आता VIDEO ठरतोय चर्चेचा विषय

यासर्व प्रकारमुळे ऑनलाईन फसवणूक कशी केली जाते हे ही दिसून आले. मागवला केक आणि आली पेस्ट्री आणि ती ही चौदाशे रुपयांची..दरम्यान याबाबत कवलगे यांनी ऑनलाईन शॉपींगमध्ये कशी फसवणूक होते हे सांगितले. याचबरोबर ऑनलाईन शॉपींग अथवा कोणतीही खरेदी करताना त्याची खातरजमा केल्याशिवाय खरेदी करू नये असेही आवाहन कवलगे यांनी केले.

ऑनलाईन शॉपींग करताना अशी घ्या काळजी

आजकाल ऑनलाईन शॉपिंगवरती अनेक सवलती लागू असल्यामुळे लोक ऑनलाईन शॉपिंगच्या पर्यायांकडे वळले आहेत. परंतू असे असले तरी लोकांच्या मनात एक भीती कायमच असते की, त्यांनी मागावलेलं प्रोडक्ट किंवा वस्तू त्यांना आहे तशीच मिळावी. कारण बऱ्याचदा अशी अनेक प्रकरणं समोर आली आहेत, ज्यामध्ये लोकांनी ऑनलाईन शॉपिंगमध्ये फसवणूक झाल्याचं समोर आलं आहे.

बऱ्याचदा लोकांना त्यांची ऑर्डर म्हणून साबन किंवा दगड सापडले आहे. ज्यामुळे काही लोक या ऑनलाईन शॉपिंगपासून लांब जाऊ लागले आहेत. हे पाहाता आता ऑनलाईन कंपनी फ्लिपकार्टने एक नवीन फीचर स्टार्ट केलं आहे. ज्या अंतर्गत यामुळे तुमची फसवणूक होणार नाही.

हे ही वाचा : नशीबवान दाम्पत्य! प्रत्येक महिन्याला पिझ्झा मिळणार मोफत, पाहा काय आहे प्रकरण

खरंतर कंपनी कधीही आपल्या ग्राहकांना अशा प्रकारे त्रास देत नाही, कारण त्यांना त्यांचे ग्राहक तोडायचे नसतात. परंतू मधल्या काही लोकांमुळे हा सगळा घोळ होतो. ज्यामुळे आता कंपनी हे सगळं थांबवण्यासाठी नवीन मार्ग घेऊन येत आहे आणि यामुळे आपण ऑनलाइन फसवणूक होण्यापासून स्वतःला सहज वाचवू शकता.

अलीकडेच कंपनीने एक नवीन सुविधा सुरु केली आहे. ज्याचा उद्देश ग्राहकांना ऑनलाइन शॉपिंगच्या फसवणुकीपासून वाचवणे हा आहे. वास्तविक, तुम्हाला कुरिअर डिलिव्हरी केल्यानंतर, डिलिव्हरी एजंट स्वतः पॅकेज उघडतो आणि उत्पादन अनबॉक्स करतो. तुमच्या उत्पादनामध्ये काही समस्या असल्यास, तुम्ही उत्पादन घेण्यास नकार देऊ शकता, कारण ती डिलिव्हरी एजंटची जबाबदारी आहे आणि कंपनी तुम्हाला त्या बदल्यात दुसरे उत्पादन पाठवते.

आम्ही तुम्हाला सांगतो की तुम्ही ही सेटिंग निवडली तरच तुम्हाला ओपन बॉक्स डिलिव्हरीचा फायदा मिळेल, जर तुम्ही ओपनबॉक्स डिलिव्हरी सेटिंग निवडली नसेल, तर डिलिव्हरी एजंट तुम्हाला ओपन करून पॅकेज दाखवेल आणि त्यानंतर काही अडचण आल्यास. तुमच्या उत्पादनासह मग तुम्ही फक्त अॅप वापरू शकता तुम्ही त्यावर भेट देऊन ऑर्डर परत मिळवू शकता किंवा तुम्ही त्याच्या जागी परतावा मागू शकता.

ग्राहकांना याचा खूप फायदा होणार आहे, कारण जर तुम्ही एखादे महाग उत्पादन मागवले आणि त्यात काही अडचण आली, तर ही तुच्यासाठी खूप मोठी गोष्ट आहे आणि तुम्हाला परतावा आणि रिफंडसाठी खूप भटकंती करावी लागेल. हे होऊ नये यासाठी, तुम्ही नेहमी ओपन बॉक्स डिलिव्हरी निवडावी.