)
परभणी, 06 सप्टेंबर : परभणी जिल्ह्यातून धक्कादायक बातमी समोर आली आहे. मनसेचे शहराध्यक्ष सचिन पाटील यांची किरकोळ वादातून हत्या करण्यात आल्याची घटना घडली आहे. सचिन पाटील यांच्या मित्रानेच खून केला आहे, त्यामुळे शहरात एकच खळबळ उडाली आहे. पोलिसांनी दिलेल्या माहितीनुसार, सचिन पाटील यांच्यावर सोमवारी 5 सप्टेंबर रोजी मध्यरात्री चाकूने हल्ला करण्यात आला होता. सचिन पाटील यांचा मित्र असलेल्या विजय जाधव यानेच हा हल्ला केला होता. सचिन पाटील हे आपल्या काही मित्रांसह वसमत रोडवरील शिवराम चित्र मंदिराच्या बाजूला गप्पा मारत बसले होते. यावेळी किरकोळ प्रकरणावरून या वादाची सुरुवात झाली आणि या वादामधून विजय जाधव आणि सचिन पाटील यांच्यामध्ये हाणामारी झाली. त्यावेळी विजय जाधव याने चाकूने पाटील यांच्या मानेवर चाकूने वार केले. जखमी अवस्थेत सचिन पाटील याला तातडीने शहरातील एका खासगी रुग्णालयामध्ये दाखल करण्यात आले होते. पण उपचारादरम्यान त्यांचा दुर्दैवी मृत्यू झाला आहे. घटनेची माहिती मिळताच पोलिसांनी रुग्णालयात धाव घेतली. पुढील तपासणीसाठी त्यांचा मृतदेह शासकीय रुग्णालयात नेण्यात आला आहे. याप्रकरणी नवा मोंढा पोलीस ठाण्यात गुन्हा दाखल करण्यात आला आहे. या प्रकरणाचा तपास पोलीस करत आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
