मराठी बातम्या /बातम्या /महाराष्ट्र /

महाराष्ट्रात रात्री 9 ते सकाळी 6 वाजेपर्यंत जमावबंदी, अनिल परब यांची मोठी घोषणा

महाराष्ट्रात रात्री 9 ते सकाळी 6 वाजेपर्यंत जमावबंदी, अनिल परब यांची मोठी घोषणा

राज्याचे परिवहन मंत्री अनिल परब यांनी विधानसभेत मोठी घोषणा केली आहे. नाताळ सण आणि ओमायक्रोन विषाणूच्या संसर्गाच्या पार्श्वभूमीवर राज्यात आजपासून रात्री 9 ते सकाळी 6 वाजेपर्यंत जमावबंदी असेल, अशी घोषणा त्यांनी केली आहे.

राज्याचे परिवहन मंत्री अनिल परब यांनी विधानसभेत मोठी घोषणा केली आहे. नाताळ सण आणि ओमायक्रोन विषाणूच्या संसर्गाच्या पार्श्वभूमीवर राज्यात आजपासून रात्री 9 ते सकाळी 6 वाजेपर्यंत जमावबंदी असेल, अशी घोषणा त्यांनी केली आहे.

राज्याचे परिवहन मंत्री अनिल परब यांनी विधानसभेत मोठी घोषणा केली आहे. नाताळ सण आणि ओमायक्रोन विषाणूच्या संसर्गाच्या पार्श्वभूमीवर राज्यात आजपासून रात्री 9 ते सकाळी 6 वाजेपर्यंत जमावबंदी असेल, अशी घोषणा त्यांनी केली आहे.

    मुंबई, 24 डिसेंबर : संसदिय कार्यमंत्री अनिल परब यांनी विधानसभेत मोठी घोषणा केली आहे. नाताळ सण आणि ओमायक्रोन विषाणूच्या संसर्गाच्या पार्श्वभूमीवर राज्यात आजपासून रात्री 9 ते सकाळी 6 वाजेपर्यंत जमावबंदी असेल, अशी घोषणा त्यांनी केली आहे. "आज दिनांक मुख्य सचिव देबाशिष चक्रवर्ती यांच्या स्वाक्षरीने काढण्यात आलेल्या आदेशात राज्यात अतिरिक्त निर्बंध असतील. राज्यभरात सार्वजनिक ठिकाणी पाच पेक्षा जास्त व्यक्तींच्या एकत्र येण्यावर रात्री 9 ते सकाळ 6 वाजेदरम्यान बंदी असेल. लग्न समारंभासाठी बंदीस्त सभागृहांमध्ये 100 पेक्षा जास्त लोकांना एकत्र जमण्यास बंदी असेल", असं अनिल परब यांनी घोषित केलं. अनिल परब यांच्या घोषणेनंतर राज्य सरकारकडून अधिकृत परिपत्रक जारी करण्यात आलं असून त्यामध्ये निर्बंधांबाबत सविस्तर माहिती देण्यात आली आहे. यामध्ये लग्न समारंभात किती नागरिकांची उपस्थिती राहावी, याबाबतही सविस्तर माहिती देण्यात आली आहे. नेमके काय-काय निर्बंध ? 1) संपूर्ण राज्यभर सर्व सार्वजनिक ठिकाणी ५ पेक्षा जास्त व्यक्तींच्या एकत्र येण्यावर रात्री ९ ते सकाळी ६ यावेळेत बंदी असेल. 2) लग्न समारंभासाठी बंदिस्त सभागृहांमध्ये एकावेळी उपस्थितांची संख्या १०० च्या वर नसेल आणि खुल्या जागेत ही संख्या २५० च्या वर नसेल किंवा या जागेच्या क्षमतेच्या २५ टक्के यापैकी जे कमी असेल ते. 3) इतर सामाजिक, राजकीय, धार्मिक कार्यक्रमांसाठी देखील  उपस्थितांची संख्या १०० च्या वर नसेल आणि खुल्या जागेत ही संख्या २५० च्या वर नसेल किंवा या जागेच्या क्षमतेच्या २५ टक्के यापैकी जे कमी असेल ते. 4) उपरोक्त दोन्ही कार्यक्रमांव्यतिरिक्तच्या कार्यक्रमांसाठी बंदिस्त जागेत जिथे आसनक्षमता निश्चित आहे अशाठिकाणी  क्षमतेच्या ५० टक्क्यांपेक्षा जास्त नसेल तसेच जिथे आसनक्षमता निश्चित नाही अशा ठिकाणी २५ टक्के उपस्थिती असेल.  अशा प्रकारच्या सर्व कार्यक्रमांमध्ये ते जर खुल्या जागेत होत असतील तर आसनक्षमतेच्या २५ टक्के पेक्षा जास्त उपस्थिती नसेल. 5) क्रीडा स्पर्धा, खेळाचे समारंभ यासाठी कार्यक्रम स्थळाच्या आसन क्षमतेच्या २५ टक्क्यांपेक्षा जास्त उपस्थिती नसेल. हेही वाचा : महिला सुरक्षेसाठी महाराष्ट्राचं मोठं पाऊल, विधीमंडळाच्या दोन्ही सभागृहात 'शक्ती कायद्या'ला मंजुरी 6) वरीलपैकी कोणत्याही प्रकारात न मोडणाऱ्या समारंभ किंवा एकत्र येण्याच्या कार्यक्रमात जिल्हा आपत्ती व्यवस्थापन प्राधिकरण उपस्थितांची संख्या किती असावी हे निश्चित करेल. असे करतांना २७ नोव्हेंबर २०२१ चे आपत्ती व्यवस्थापनाच्या आदेशाचे पालन होईल असे बघितले जाईल. 7) उपहारगृहे, जीम, स्पा, चित्रपटगृहे, नाट्यगृहे या ठिकाणी क्षमतेच्या ५० टक्के उपस्थिती राहील.  या सर्वांना त्यांची संपूर्ण क्षमता तसेच ५० टक्के क्षमतेची संख्या जाहीर करावी लागेल. 8) याशिवाय जिल्हा आपत्ती व्यवस्थापन प्राधिकरणास आवश्यक वाटेल तिथे निर्बंध लावता येतील आणि ते करण्यापूर्वी  त्यानी जनतेस त्याची कल्पना देणे आवश्यक राहील. 9) जिल्हा आपत्ती व्यवस्थापन प्राधिकरणास स्थानिक परिस्थिती लक्षात घेऊन जिथे आवश्यक वाटेल तिथे अधिक कठोर निर्बंध लावता येतील. अशा परिस्थितीत देखील जनतेला निर्बंधाची योग्य ती माहिती देणे आवश्यक राहील. हेही वाचा : हिवाळी अधिवेशनानंतर राज्य मंत्रिमंडळाचा विस्तार, काँग्रेसच्या दोन मंत्र्यांना डच्चू दिला जाणार? निर्बंध आत्ताच न लावल्यास भविष्यात अधिक कठोर निर्बंध लावण्याची वेळ येईल : मुख्यमंत्री केंद्रीय आरोग्य विभागाने देखील सर्व राज्यांसाठी संसर्ग रोखण्याकरिता पुरेशी काळजी घेण्यास व उपाययोजना करण्यास सांगितले आहे. सध्याच्या निर्बंधाचे स्वरूप हे प्राथमिक स्वरूपाचे असून ते आत्ताच न लावल्यास भविष्यात अधिक कठोर निर्बंध लावण्याची वेळ येऊ शकते, असेही मुख्यमंत्री उद्धव ठाकरेंनी म्हटले आहे. राज्यात देखील गेल्या दोन दिवसात एक हजारापेक्षा जास्त पॉझिटिव्ह रुग्ण दिसून येत आहेत.  ख्रिसमस उत्सव, लग्न समारंभ, नवीन वर्षाचे स्वागत यामुळे गर्दी वाढून संसर्गाचा धोका वाढण्याची मोठी शक्यता असल्यामुळे आपत्ती व्यवस्थापन कायदा २००५ प्रमाणे संपूर्ण राज्यात काही अतिरिक्त निर्बंध लावण्याचे ठरवण्यात आले आहे.
    Published by:Chetan Patil
    First published:

    पुढील बातम्या