)
नितीन नांदूरकर, प्रतिनिधी जळगाव, 05 मार्च : शिवसेनेचे नेते आणि पाणी पुरवठा मंत्री गुलाबराव पाटील आणि ठाकरे गटाचे खासदार संजय राऊत यांच्यामध्ये चांगलाच कलगीतुरा रंगला आहे. गुलाबराव पाटलाच्या नादी काय लागतात, मी बारक्यांची लढाई करत नाही. मी संजय राऊतलाही घाम आणतो, असं म्हणत गुलाबराव पाटील यांनी विरोधकांवर टीकास्त्र सोडले. गुलाबराव पाटील हे दारावर जातात व ते फोटो व्हॉट्सअप वर टाकतात अशी टीका काही विरोधकांकडून गुलाबराव पाटलांवर केली जात असून या विरोधकांचा गुलाबराव पाटलांनी चांगला समाचार घेतला आहे. ‘गुलाबराव पाटलांच्या नादी काय लागतात, मी बारक्यांची लढाई करत नसून संजय राऊतांना ही मी घाम आणतो. त्यामुळे गुलाबराव पाटील इतका छोटा माणूस नसून सभागृहात उभा राहिलो तर समोरच्याला वाटतं मी काय करेल आणि काय नाही, असा थेट इशारा गुलाबराव पाटलांनी टीका करणाऱ्या विरोधकांना दिला आहे. तसंच, जिल्हा दूध संघाच्या निवडणुकीत 38 वर्षाचा तरुणाबांड एकनाथ खडसेंना आडवा करून निवडून आला म्हणून मंगेश चव्हाण यांना आम्ही चेअरमन केलं. आमदार मंगेश चव्हाण त्यांच्या घरातील छत्रपती शिवाजी महाराजांचा पुतळा हा दोन कोटी रुपयांचा त्यामुळे असा माणूस दूध कसा भ्रष्टाचार करेल, अशी टीकाही गुलाबराव पाटील यांनी एकनाथ खडसेंवर केली. ’ मंगेश चव्हाण यांच्या घरातील छत्रपती शिवाजी महाराजांचा पुतळा हा दोन कोटी रुपयांचा आहे त्यामुळे गडगंज श्रीमंत असलेला माणूस दूध संघात काय पैसे खाणार व दुधात काय पाणी टाकणार म्हणून मंगेश चव्हाण यांना आम्ही जिल्हा दूध संघाचे चेअरमन केले असल्याचेही गुलाबराव पाटलांनी स्पष्ट केले आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
