)
राहुल खंदारे, बुलढाणा, 25 सप्टेंबर : बुलढाणा शहरातील चिखली रोडवर भरधाव कंटेनरने दुचाकीस्वारांना धडक दिल्याने एका तरुणाचा जागीच मृत्यू झाला. तर एक तरुण गंभीर जखमी झाल्याची घटना घडली. सुमेध कहाळे (वय 22 वर्ष)असे अपघातात ठार झालेल्या तरुणाचे नाव आहे. तर जखमी झालेल्या तरुणाचे श्रावण हेलोडे (वय वर्ष 20) असून दोघेही बुलडाणा शहरातील भीमनगर भागातील राहणारे आहे. सुमेध हा आई-वडिलांचा एकुलता एक होता. ( मुंबईत घरं कोसळली, मोठी दुर्घटना, घटना कॅमेऱ्यात कैद, पाहा VIDEO ) सुमेध दुचाकीने आपल्या मित्र श्रावण याच्यासोबत चिखलीकडून बुलडाण्याकडे जात होता. दरम्यान चिखली रोडवर पाठीमागून येणाऱ्या कंटेनरने सुमेधच्या दुचाकीला धडक दिली. धडक दिल्याने सुमेध हा कंटेनरच्या चाकाखाली पडल्याने त्याचा जागीच मृत्यू झाला. तर श्रावण हा बाजूला पडल्याने तो गंभीर जखमी झाला आहे. हाकेच्या अंतरावर असलेल्या शहर पोलिसांनी घटनास्थळी धाव घेत वाहतूक सुरळीत केली. दरम्यान अपघातास कारणीभूत ठरलेल्या कंटेनरचा चालक घटनास्थळावर कंटेनर उभा करून पसार झाला. कंटेनर पोलीस ठाण्यात जमा करण्यात आले असून पुढील कारवाई सुरू आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
