)
अपूर्वा तळणीकर, प्रतिनिधी छत्रपती संभाजीनगर, 30 मे : कचोरी म्हटलं की आपल्या डोळ्यापुढे येते ती शेगावमधील प्रसिद्ध कचोरी. दिवसातील कोणत्याही वेळेला खाता येईल असा हा पदार्थ महाराष्ट्रात विशेष प्रसिद्ध आहे. वेगवगेळ्या शहरात ही कचोरी खवय्यांना खायला मिळते. छत्रपती संभाजीनगर शहरामध्ये ही कचोरी खायला मिळत असून या ठिकाणी खवय्यांची मोठी गर्दी असते. कशी झाली सुरुवात? टी आर शर्मा यांनी 1950 रोजी शेगाव येथील रेल्वे कॅन्टीनमध्ये ही कचोरी सुरू केली आहे. टी आर शर्मा यांनी त्यांचा पाच मुलांसोबत या व्यवसायाला सुरुवात केली होती. या पाच मुलांची मुले आता त्यांचा व्यवसाय चालवत आहेत. आज त्यांची तिसरी पिढी आहे या व्यवसायामध्ये आहे. सध्या ही कचोरी संपूर्ण महाराष्ट्रमध्ये प्रसिद्ध आहे.
संभाजीनगर शहरामध्ये गेल्या 17 वर्षांपासून प्रसिद्ध शेगावची कचोरी खवय्यांना खायला मिळते. शहरामध्ये सेवन हिल ते गजानन महाराज मंदिर रोड वरती तिरथराम करमचंद शर्मा शेगाव कचोरी सेंटर आहे. येथील कचोरी सध्या छत्रपती संभाजीनगर मधील खवय्यांच्या चांगलीच पसंतीस उतरत असून दिवसाला 800 ते 1000 खवय्ये इथे येऊन कचोरी खातात, असं येथील कामगार भागवत सडपदार सांगतात. कशी बनवली जाते कचोरी? कचोरी ही सहसा मूग डाळीपासून बनवली जाते. पण शेगाव कचोरी ही हरभऱ्याच्या डाळी पासून बनवली जाते. यामध्ये ते त्यांचा सिक्रेट मसाला वापरतात आणि कचोरी सोबत हिरवी चटणी ते खायला देतात. या कचोरीची किंमत 15 रुपये आहे.
कचोरीची चव काही निराळीच मी अनेक वर्षांपासून इथे कचोरी खाण्यासाठी येतो. तिथल्या कचोरीची चव बाकीच्या कचोरीपेक्षा काही निराळीच असते आणि बाजारापेक्षा पाच रुपयांनी तेही कचोरी स्वस्त भेटते. इथली स्वच्छता आणि या कचोरीमध्ये कोणत्याही प्रकारचा तुम्हाला तेलाचा वास येणार नाही, असे खवय्ये रामेश्वर भंडारी हे सांगतात
+6
फोटो
