मराठी बातम्या /बातम्या /महाराष्ट्र /जय जवान! 'या' हॉटेलमध्ये मिळते आजी-माजी सैनिकांना मोफत जेवण

जय जवान! 'या' हॉटेलमध्ये मिळते आजी-माजी सैनिकांना मोफत जेवण

बीडमधील शिरुर कासार येथील भागवत थोरात यांच्या अनोख्या देशभक्तीचं कौतुक होतंय. ते आजी माजी सैनिकांना हॉटेलमध्ये मोफत जेवण देतात.

News18 Lokmat
Last Updated : February 14, 2023, 09:32 IST
Bid (Beed), India

रोहित देशपांडे, प्रतिनिधी

बीड, 14 फेब्रुवारी: देशाचं सार्वभौमत्व आणि संरक्षण यात भारतीय सैन्याचं मोठं योगदान आहे. असीम देशभक्तीचं उदाहरण म्हणून जवानांकडे पाहिले जाते. या जवानांच्या त्यागाला सलाम करत बीडमधील शिरुर कासारच्या एका हॉटेलवाल्याने एक अनोखा संकल्प केला आहे. भागवत थोरात यांनी सर्व आजी माजी सैनिकांना मोफत नाष्टा आणि जेवण देण्याचा निर्णय घेतला असून त्यांच्या या देशभक्तीचे कौतुक होत आहे.

तुमच्या शहरातून (बीड)

बीड

शिरुरमध्ये नाष्टा हाऊस

शिरूर कासार येथे बस स्टॅन्ड परिसरातील मुख्य चौकात वेताळ नाष्टा हाऊस आहे. गेल्या काही वर्षांपासून भागवत थोरात हे हॉटेल चालवतात. चवदार आणि चविष्ट पदार्थांसाठी त्यांची ख्याती आहे. देशासाठी आणि समाजासाठी आपण काहीतरी देणं लागतो या भावनेतून त्यांनी जवानांना मोफत नाष्टा देण्याचा निर्णय घेतला.

ग्रामीण भागात वाचन संस्कृतीचा प्रसार करणारे बीडचे डॉक्टर गुरूजी, Video

पंचक्रोशीतील जवान घेताहेत लाभ

थोरात यांच्या हॉटेलमध्ये शिरुर कासार पंचक्रोशीतील आजी माजी जवान येत असतात. तसेच शेजारी असणाऱ्या नगर जिल्ह्यातील नागरिकही येतात. त्यांच्या हॉटेलमध्ये आतापर्यंत 50 हून अधिक जवान येऊन गेले आहेत. त्याचा थोरात यांना अभिमान वाटतो. "आजी आणि माजी सैनिकांची माझ्या हॉटेल व्यवसायाच्या माध्यमातून सेवा करता येते हीच माझी देशसेवा आहे. त्यामुळे या उपक्रमाला मी सुरुवात केली आहे," असे हॉटेल चालक भागवत थोरात म्हणतात.

First published: February 14, 2023, 09:04 IST

महाराष्ट्र

आपला जिल्हा निवडा

जय जवान! 'या' हॉटेलमध्ये मिळते आजी-माजी सैनिकांना मोफत जेवण

संबंधित बातम्या

तुमच्या शहरातून (बीड)