)
बीड, 13 फेब्रुवारी : बीड शहरातील राष्ट्रवादी भवनसमोर ट्रक आणि दुचाकीचा भीषण अपघात झाला आहे. या अपघातात 9 वर्षाची चिमुकली जागीच ठार झाल्याची दुर्दैवी घटना आज दुपारी 12 वाजण्याच्या सुमारास घडली. कृषी कार्यालयातील सेवा निवृत्त कृषी सहाय्यक उद्धवराव चंदनशिव हे आपल्या नातीला घेऊन वायबटवाडी येथे हनुमान मंदिरात दर्शनासाठी जात होते. मात्र बीड शहरातील राष्ट्रवादी भवनसमोर आल्यानंतर त्यांच्या दुचाकीला एका ट्रकने पाठीमागून जोरदार धडक दिली. यामध्ये किमया अमर देशमुख (वय 9 वर्ष) या चिमुकलीच्या डोक्यावरून ट्रकचे चाक गेल्याने तिचा जागीच मृत्यू झाला. या दुर्दैवी घटनेमुळे परिसरात हळहळ व्यक्त केली जात आहे. शहरातून अवजड वाहतूक बंदी असताना कंटेनर शहरात आलेच कसे? असा प्रश्न देखील नागरिक उपस्थित करत आहेत. अपघातानंतर ट्रॅफिक पोलिसांकडून या गाडीला अडवले गेले नाही. त्यामुळे ट्रॅफिक पोलीस नक्की काय करते होते? असाही संतप्त सवाल नागरिकांकडून केला जात आहे. हेही वाचा - VIDEO: तीन वेळा कार अंगावर चढवून नगरसेवकाची निर्घृण हत्या; घटनेचा थरार सीसीटीव्हीत कैद बीड शहरातील खड्डे आणि अवजड वाहनांची वाहतूक यामुळे सामान्य नागरिकांचे जीव जात असताना नगरपालिका प्रशासन, सार्वजनिक बांधकाम विभाग, राष्ट्रीय महामार्ग प्रशासन यांच्याकडे अनेक वेळा तक्रारी देऊनही शहरांतर्गत रस्त्याचे काम झाले नसून रस्त्यावर मोठ्या प्रमाणात खड्डे झाले आहेत, ते खड्डे चुकवण्याच्या नादात अनेक अपघात घडत आहेत. त्यामुळे आगामी काळात प्रशासनाकडून याबाबत खबरदारी घेतली जावी, अशी अपेक्षा व्यक्त केली जात आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
