• Home
  • »
  • News
  • »
  • lifestyle
  • »
  • अभ्यंगस्नान करा; पण कडकडीत गरम पाण्याने नको; थंडीत अति गरम पाण्याची अंघोळ ठरेल घातक

अभ्यंगस्नान करा; पण कडकडीत गरम पाण्याने नको; थंडीत अति गरम पाण्याची अंघोळ ठरेल घातक

थंडीपासून आराम मिळवण्याचे काही उपाय तुमच्यासाठी त्रासदायक ठरू शकतात. उदाहरणार्थ, जास्त वेळ गरम पाण्याने आंघोळ केल्यानंही शरीराला त्रास होतो. हिवाळ्यात कोणत्या चुका टाळल्या पाहिजेत याविषयी जाणून (Winter health tips) घेऊया.

  • Share this:
    नवी दिल्ली, 02 नोव्हेंबर : हिवाळ्याच्या (Winter) काळात सर्दी, फ्लू आणि संसर्ग पसरण्याचा धोका लक्षणीय वाढतो. या ऋतूत थंडीपासून वाचण्यासाठी लोक उबदार कपडे, गरम पाणी, चहा-कॉफी यासारख्या गोष्टींचा अवलंब करतात. पण तुम्हाला माहीत आहे का, की थंडीपासून आराम मिळवण्याचे काही उपाय तुमच्यासाठी त्रासदायक ठरू शकतात. उदाहरणार्थ, जास्त वेळ गरम पाण्याने आंघोळ केल्यानंही शरीराला त्रास होतो. हिवाळ्यात कोणत्या चुका टाळल्या पाहिजेत याविषयी जाणून  (Winter health tips)  घेऊया. जास्त वेळ गरम पाण्याने (Hot Water) आंघोळ करणं- आरोग्य तज्ज्ञांच्या मते, थंडीत जास्त वेळ गरम पाण्याने आंघोळ करणे आरोग्यासाठी चांगले नाही. याचा आपल्या शरीरावर आणि मनावर वाईट परिणाम होतो. खरं तर गरम पाणी केराटिन नावाच्या त्वचेच्या पेशींना नुकसान पोहोचवते, ज्यामुळे त्वचेवर खाज सुटणे, कोरडेपणा आणि पुरळ उठण्याची समस्या वाढते. जास्त उबदार कपडे - हिवाळ्यात स्वतःला उबदार ठेवणं चांगले आहे, परंतु जास्तच उबदार कपडे घालणे टाळावे. असे केल्याने तुमचे शरीर अतिउष्णतेचे शिकार होऊ शकते. वास्तविक, जेव्हा आपल्याला सर्दी होते, तेव्हा आपली रोगप्रतिकारक शक्ती पांढऱ्या रक्त पेशी (WBC) तयार करते, जे आपल्याला संक्रमण आणि रोगांपासून वाचवते. जेव्हा शरीर जास्त गरम होते तेव्हा रोगप्रतिकारक शक्ती तिचे कार्य योग्यपणे करू शकत नाही. जास्त खाणं - हिवाळ्याच्या काळात आणि दिवाळीत अनेकांचा आहार अचानक वाढतो आणि तब्येतीची पर्वा न करता आपण काहीही खात सुटतो. वास्तविक, शरीरातील कॅलरीज थंडीपेक्षा जास्त खर्च होतात, ज्याची भरपाई आपण हॉट चॉकलेट किंवा अतिरिक्त-कॅलरी अन्नाने करू लागतो. अशा परिस्थितीत भूक लागल्यावर फक्त फायबर असलेल्या भाज्या किंवा फळं खावीत. हे वाचा - Google Phones चं सीक्रेट फीचर, प्रायव्हेट फोटो एकदा Lock केल्यानंतर कुठेच नाही दिसणार कॅफिन- हिवाळ्यात चहा आणि कॉफी शरीराला उबदार ठेवण्यासाठी उत्तम उपाय आहे. पण, कदाचित तुम्ही विसरत असाल की जास्त कॅफीन शरीरासाठी हानिकारक आहे. तुम्ही एका दिवसात 2 किंवा 3 कपपेक्षा जास्त कॉफी पिऊ नये. कमी पाणी पिणे- हिवाळ्यात लोकांना तहान कमी लागते. पण याचा अर्थ असा नाही की थंडीत शरीराला पाण्याची गरज नसते. लघवी, पचन आणि घाम याद्वारे पाणी शरीरातून बाहेर पडते. अशा स्थितीत पाणी न पिल्याने शरीरात पाणी कमी होऊ लागते. यामुळे किडनी आणि पचनाची समस्या वाढू शकते. घराबाहेर पडणे - हिवाळ्याच्या मोसमात बहुतेक लोक थंडीपासून वाचण्यासाठी घराबाहेर पडणं बंद करतात. असं केल्यानं आरोग्यावर परिणाम होऊ शकतो. घरातल्या-घरात राहिल्यामुळे तुमच्या शारीरिक हालचाली कमी होतात. लठ्ठपणा वाढेल आणि सूर्यकिरणांपासून मिळणारे व्हिटॅमिन-डी मिळणार नाही. हे वाचा - बापरे! मृत्यूनंतर हरणानं घेतला बदला; घाबरून बिबट्यानं ठोकली धूम, पाहा VIDEO व्यायाम - थंडीत कमी तापमानामुळे लोक अंथरुणात पडून राहणे पसंत करतात. शून्य शारीरिक हालचालींमुळे आपली रोगप्रतिकारक शक्ती कमी होऊ लागते. त्यामुळे अंथरूणात पडून राहण्याऐवजी सायकल चालवणे, चालणे किंवा कोणताही व्यायाम सुरू करा. सेल्फ मेडिकेशन- या ऋतूमध्ये लोकांना खोकला, सर्दी किंवा तापाचा त्रास होतो. अशा परिस्थितीत, डॉक्टरांचा सल्ला घेतल्याशिवाय स्वत: ची औषधोपचार घातक ठरू शकते. ही काही गंभीर आजाराची लक्षणे देखील असू शकतात. म्हणून, कोणतेही औषध किंवा प्रिस्क्रिप्शन वापरण्यापूर्वी, कृपया डॉक्टरांचा सल्ला घ्या.
    Published by:News18 Desk
    First published: