Man Vs Dog : अनोख्या Volleyball मॅचमध्ये खरा खिलाडी कोण? VIDEO पाहून तुम्हीच सांगा

मुंबई, 27 मार्च : सध्या माणसं जे जे काही करतात ते बहुतेक प्राण्यांना जमतं. किंबहुना प्राण्यांना ते माणसांपेक्षाही जास्तच चांगलं जमतं. इतकं की काही वेळा प्राणी माणसांना याबाबत मात देतात. सध्या असाच एक व्हिडीओ सोशल मीडियावर व्हायरल होतो आहे. ज्यामध्ये कुत्रा आणि माणसात व्हॉलीबॉलची (Volleyball competition between man and dog) स्पर्धा रंगली आहे. अगदी माणसांप्रमाणे व्हॉलीबॉल (Volleyball) खेळणारा हा कुत्रा (Dog) सोशल मीडियावर (Social media) चांगलाच चर्चेत आहे. Nature & Animal या ट्विटर पेजवर हा व्हिडीओ पोस्ट करण्यात आला आहे. व्हिडीओत एक व्यक्ती कुत्र्यासोबत व्हॉलीबॉल खेळताना दिसतो आहे.

The dog won 😅😂 pic.twitter.com/ZmPUKiZzI9

— Nature & Animals🌴 (@AnimalsWorId) March 26, 2021

व्हॉलीबॉल ज्यात हातांचा वापर केला जातो. कुत्रा मात्र आपल्या तोंडाने अगदी मस्त हा व्हॉलीबॉल खेळताना दिसतो आहे. अगदी सफाईदारपणे तो खेळतो आहे. जणू काही तो अगदी उत्तम असा तयार झालेला खेळाडू आहे. माणूस आणि कुत्रा दोघंही एकमेकांकडे बॉल झेलवतात. व्हिडीओ पाहता पाहतात आता नेमकं कोण जिंकणार आणि कोण हरणार याची उत्सुकता वाढत जाते. हे वाचा - माणसांनाही लाजवेल असं भटक्या कुत्र्यांनी केलं काम; VIDEO पाहून कराल सलाम व्हिडीओ शेवटपर्यंत पाहिलात तर तुम्हाला खरा विजेता कोण ते कळेल. व्हॉलीबॉलची ही स्पर्धा चक्क जिंकली ती कुत्र्याने. त्याने माणसांनी माणसांसाठी तयार केलेल्या या खेळातही माणसांना हरवलं आहे. काय मग समजलं का खरा खिलाडी कोण आहे? यात वादच नाही की कुत्राच खिलाडीयों का खिलाडी ठरला आहे.  हा व्हिडीओ पाहून नेटिझन्सनी कुत्र्याचं कौतुक केलं आहे आणि त्यावर बऱ्याच मजेशीर प्रतिक्रियाही येत आहेत.