इम्युनिटी वाढवण्यासाठी खा 'हा' मासा, मजबूत हाडांसह होतील अनेक फायदे

मासे खाण्याचे अनेक फायदे आहेत. जाणून घेऊयात टुना फिश म्हणजेच कुपा मासा खाण्याने होणारे फायदे.

टुना मासा - टुना मासा एक विशेष प्रकारचा मासा आहे, ज्याला कुपा मासा देखील म्हटलं जातं. इतर माशांपेक्षा याचा आकार वेगळा असतो. समुद्राच्या पाण्यामध्ये आढळणारा हा मासा चवीला तर चांगला असतो, शिवाय शरीराला देखील लाभदायक आहे. या माशाने अनेक आजार दूर पळतात.

वजन कमी होतं - वजन कमी करायचं असेल, तर टुना म्हणजेच कुपा मासा खावा. या माशाचं ऑईल देखील वजन कंट्रोल करण्यासाठी फायदेशीर आहे. त्यामुळे कंबर दुखीच्या त्रासामध्ये आराम मिळतो. शिवाय यामुळे पोटाची चरबी देखील कमी होते.

मजबूत हाडांसाठी - हाडांच्या मजबुतीसाठी कॅल्शिअम आणि व्हिटॅमिन डीची सगळ्यात जास्त आवश्यकता असते. कॅल्शियम आणि व्हिटॅमिन डी टुना माशांमध्ये भरपूर प्रमाणात असतं. त्यामुळे हाडं मजबूत करायची असतील, तर टुना मासा नेहमी खावा.

डोळ्यांसाठी फायदेशीर हाडांबरोबर शरीराचे इतर अवयव देखील निरोगी असणं आवश्यक आहे. वाढत्या वयानुसार डोळ्यांची दृष्टी कमी होऊ लागते. त्यामुळे डोळे चांगले ठेवण्यासाठी टुना मासा खायला हवा. यामुळे नजर चांगली होते.

निरोगी हृदयासाठी टुना मासा खाल्ल्यामुळे हृदयालाही फायदा होतो. टुना माशामध्ये ओमेगा-3 फॅटी अॅसिड असतं. त्यामुळे हृदय रोगाची भीती कमी होते. मासांहारी लोकांनी आहारात नियमित टुना माशाचा समावेश करावा.